ନିଜ ସ୍ବପ୍ନ ପୂରଣ କରିବା ପାଇଁ ସମସ୍ତ ବ୍ୟକ୍ତି ପରିଶ୍ରମ କରନ୍ତି ଓ ଟଙ୍କା କମାନ୍ତି | କିନ୍ତୁ ସମସ୍ତଙ୍କ ଭାଗ୍ୟରେ ଏଭଳି ଘଟିନଥାଏ | ମାତ୍ର ୭ ବର୍ଷ ବୟସରେ ଏହି ଝିଅ ଏବେ କୋଟିପତିଙ୍କ ତାଲିକାରେ ନିଜ ନାମକୁ ସାମିଲ କରିଛନ୍ତି | ବଡ଼କଥା ଯେ ଏହି ଝିଅର ନାମକୁ ଏବେ ଫୋର୍ବସ ମାଗାଜିନ ମଧ୍ୟ ନିଜ ତାଲିକାରେ ସାମିଲ କରିଛି | ଏହି ଝିଅର ନାମ ହେଉଛି ରୟନ | ସେ ଯୁକ୍ତରାଜ୍ୟରେ ରହୁଥିବାବେଳେ କେବଳ ଖେଳନାର ସମୀକ୍ଷା କରି ଏହାକୁ ୟୁଟ୍ୟୁବରେ ପୋଷ୍ଟ କରିଥାନ୍ତି |
Sambad is now on WhatsApp
Join and get latest news updates delivered to you via WhatsApp
ରୟନ ଟୟଜ ରିଭ୍ୟୁ ନାମକ ୟୁଟ୍ୟୁବ ଚ୍ୟାନେଲ କରି ଏହି ଝିଅ ୧୦୦ କୋଟିରୁ ଅଧିକ ଟଙ୍କା ଆୟ କରିସାରିଲେଣି | ୟୁଟ୍ୟୁବରେ ଭିଡିଓ ପୋଷ୍ଟ କରିବା ମାତ୍ରେ ବହୁ ସଂଖ୍ୟାରେ ପିଲାମାନେ ଓ ଅଭିଭାବକମାନେ ଏହାକୁ ଦେଖିଥାନ୍ତି | ଯାହାଫଳରେ ୟୁଟ୍ୟୁବର ଲାଭ ହେବା ସହ ରୟନଙ୍କୁ ଏଥିପାଇଁ ୟୁଟ୍ୟୁବ ପଇସା ଦେଇଥାଏ |
ରୟନ ଯେଉଁ ରିଭ୍ୟୁ କରିଥାନ୍ତି ସେଥିରେ ଦୁଇଟି କଥାକୁ ଗୁରୁତ୍ୱ ଦେଇଥାନ୍ତି | ପ୍ରଥମତଃ ପିଲାମାନେ କିଭଳି ଖେଳିବା ଉଚିତ ଓ ଦ୍ବିତୀୟତଃ ଅଭିଭାବକମାନେ କିଭଳି ପିଲାଙ୍କୁ ଏହି ଖେଳନା ବ୍ୟବହାର କରିବାକୁ ଦେବେ ସେ ବିଷୟରେ କହିଥାନ୍ତି | ଗତବର୍ଷ ୟୁଟ୍ୟୁବରୁ ଆୟ ତାଲିକାରେ ଏହି ଝିଅ ୮ ନମ୍ବର ସ୍ଥାନରେ ଥିବାବେଳେ ଏଥର ପ୍ରଥମ ସ୍ଥାନରେ ପହଁଚିଯାଇଛନ୍ତି |