ସ୍ୱାଧୀନତା ଦିବସରେ ୧୪ଜଣ କଏଦୀଙ୍କୁ ଜେଲ୍ ଦଣ୍ଡରୁ ମୁକ୍ତ କରାଇବେ ଏହି ୧୪ବର୍ଷିୟ ବାଳକ, କିପରି ଜାଣନ୍ତୁ?
ଭୋପାଲ : ଚଳିତ ବର୍ଷର ସ୍ୱାଧୀନତା ଦିବସରେ ୧୪ ଜଣ କଏଦୀ ଜେଲ୍ ଦଣ୍ଡରୁ ମୁକ୍ତ କରିବାକୁ ଯାଉଛନ୍ତି । ଏହି ୧୪ଜଣ କଏଦୀଙ୍କ ପାଇଁ ଭଗବାନ ସାଜିିଛନ୍ତି ଜଣେ ୧୪ବର୍ଷିୟ ନାବାଳକ । ସ୍କଲାରସିପ୍ରୁ ମିଳିଥିବା ଟଙ୍କାକୁ ୧୪ଜଣ କଏଦୀଙ୍କ ପାଇଁ ଜରିମାନା ଆକାରରେ ଦେଇ ଭୋପାଲର ଆୟୁଷ କିଶୋର ଏହି କଏଦୀଙ୍କ ଦଣ୍ଡ କମ କରି ପାରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ,୨୦୧୬ରେ ଆୟୁଷଙ୍କୁ ତତ୍କାଳୀନ ରାଷ୍ଟ୍ରପତି ପ୍ରଣବ ମୁଖାର୍ଜୀ ଚାଇଲ୍ଡ଼୍ ଆଓ୍ଵାର୍ଡ଼ ଫର୍ ଏକ୍ସେପ୍ସନାଲ ଆଚିଭ୍ମେଣ୍ଟ ଇନ୍ ଏକାଡ଼େମିକ୍ସ ଆଓ୍ଵାର୍ଡ଼ ଦେଇ ସମ୍ମାନିତ କରିଥିଲେ । ଏଥିରୁ ମିଳିଥିବା ୨୭,୮୫୦ଟଙ୍କା ସେ ୧୪ଜଣ କଏଦୀଙ୍କ ପାଇଁ ଜରିମାନା ଆକାରରେ ଭରିବା ସହ ସେମାନଙ୍କୁ ମୁକ୍ତ କରିବେ ବୋଲି ଜଣାପଡ଼ିଛି । ୧୪ଜଣଙ୍କ ମଧ୍ୟରୁ ୧୨ଜଣ ଇନ୍ଦୋର ଏବଂ ୨ଜଣ ଭୋପାଲ ଜେଲ୍ରେ ବନ୍ଦୀ ଥିବା ଜଣା ପଡ଼ିଛି । ଏହି ୧୪ଜଣ କଏଦୀ ହତ୍ୟା ଅଭିଯୋଗରେ ଜେଲ୍ ଦଣ୍ଡ ଭୋଗୁଥିବା ସୂଚନା ମିଳିଛି । ଆୟୁଷଙ୍କ ଏହି କାମ ଏବେ ଚର୍ଚ୍ଚାର ବିଷୟ ପାଲଟିଛି ।