ମାଲକାନଗିରି: ଓଡ଼ିଶାର ସୀମାନ୍ତବର୍ତ୍ତୀ ଜିଲ୍ଲା ମାଲକାନଗିରି ସୀମାରେ ପୁଲିସ ଓ ନକ୍ସଲଙ୍କ ଭିତରେ ଭିଷଣ ଗୁଳି ବିନିମୟ ହୋଇଥିବାର ଖବର ମିଳିଛି।ଏଥିରେ ପୁଲିସକୁ ଏକ ବଡ଼ ଧରଣର ସଫଳତା ମିଳିଥିବା ଜଣାଯାଇଛି ।
ପ୍ରାପ୍ତ ସୂଚନା ଅନୁଯାୟୀ ଛତିଶଗଡ଼ର ଦାନ୍ତେୱାଡା ଜିଲ୍ଲାରେ ଥିବା କୁଟ୍ରିମା ଜଙ୍ଗଲରେ ନକ୍ସଲ ଲୁଚିଥିବା ଖବର ପାଇ ପୁଲିସ ଓ ଯବାନମାନେ ମିଳିତ ଭାବେ କମ୍ବିଂ ଅପରେସନ ଚଳାଇଥିଲେ । ସେଠାରେ ଆତ୍ମ ଗୋପନ କରିଥିବା କିଛି ନକ୍ସଲ ପୁଲିସକୁ ଦେଖି ପ୍ରଥମେ ଗୁଳି ଚାଳନା କରିଥିଲେ । ପୁଲିସ ଓ ଯବାନମାନେ ତୁରନ୍ତ ନକ୍ସଲଙ୍କ ଉପରକୁ ପାଲଟା ଆକ୍ରମଣ କରିଥିଲେ । ଏଥିରେ ନକ୍ସଲମାନେ ଛତ୍ରଭଙ୍ଗ କରିଥିଲେ ।
ତେବେ ପୁଲିସ ଗୁଳିରେ ୨ଜଣ ନକ୍ସଲ ମୃତ୍ୟୁବରଣ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଏହି ଦୁଇଜଣ ହେଲେ ଏଲଓସି କମାଣ୍ଡର ଲଛୁ ମାଣ୍ଡୱି ଏବଂ ଜନ ମଲିସିଆ କମାଣ୍ଡର ପଦିଆ। ଉଭୟଙ୍କ ନାଆଁରେ ଛତିଶଗଡ଼ ସରକାର ୧ ଲକ୍ଷ ଟଙ୍କା ଲେଖାଏଁ ପୁରସ୍କାର ଘୋଷଣା କରିଥିଲେ। ସେଠାରୁ ୨ଟି ଦେଶୀ ବନ୍ଧୁକ ଓ ବିସ୍ଫୋରକ ସାମଗ୍ରୀ ଜବତ କରାଯାଇଥିବା ଜଣାଯାଇଛି । ଏବେ ମଧ୍ୟ ସେଠାରେ ସର୍ଚ୍ଚ ଅପରେସନ ଜାରି ରହିଛି । ମାଲକାନଗିରି ପୁଲିସ୍ ଓଡ଼ିଶା ସୀମାକୁ ସିଲ୍ କରିବା ସହ ସତର୍କ ଥିବାର ସୂଚନା ମିଳିଛି।