୪୫ଦିନ ପର୍ଯ୍ୟନ୍ତ ଲଗାତାର ପବ୍ଜି ଗେମ୍ ଖେଳିବାରୁ ମୃତ୍ୟୁବରଣ କଲେ ୨୦ବର୍ଷୀୟ ଯୁବକ
ହାଇଦ୍ରାବାଦ୍ : ଏବେ ପୁଣି ଥରେ ମୋବାଇଲ୍ ଗେମ୍ ପବ୍ଜିକୁ ନେଇ ଚର୍ଚ୍ଚା ଜୋର୍ ଧରିଛି । ପୂର୍ବରୁ କିଛିଟା ରାଜ୍ୟରେ ଏହି ଖେଳ ଉପରେ ସରକାର ପ୍ରତିବନ୍ଧକ ଲଗାଇ ସାରିଥିଲେ ମଧ୍ୟ ଏବେ ଲୋକମାନଙ୍କ ମଧ୍ୟରେ ଏହି ଗେମ୍ ଖେଳିବାର କ୍ରେଜ୍ ଦେଖିବାକୁ ମିଳିଛି । ପୂର୍ବରୁ ଏହି ଗେମ୍ ଖେଳୁଥିବାରୁ ପୁଲିସ ୧୦ଜଣଙ୍କୁ ଗିରଫ କରିଥିବା ବେଳେ ଏବେ ତେଲେଙ୍ଗାନାର ଜଣେ ୨୦ବର୍ଷୀୟ ଯୁବକ ଏହି ଗେମ୍ ଖେଳି ମୃତ୍ୟୁବରଣ କରିଥିବା ଜଣା ପଡ଼ିଛି । ୪୫ଦିନ ପର୍ଯ୍ୟନ୍ତ ପବ୍ଜି ଗେମ୍ ଖେଳିବା ପରେ ତାଙ୍କର ମୃତ୍ୟୁ ହୋଇଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ, ତେଲେଙ୍ଗାନାର ଜଗ୍ତିଆଲରେ ରହୁଥିବା ଯୁବକଜଣଙ୍କ ଘଣ୍ଟା ଘଣ୍ଟା ଧରି ପବ୍ଜି ଗେମ୍ ଖେଲୁଥିବାରୁ ବେକରେ ଯନ୍ତ୍ରଣା ଅନୁଭବ ହୋଇଥିଲା । ଏହା ପରେ ହାଇଦ୍ରାବାଦ୍ର ଡ଼ାକ୍ତରଖାନା ନିଆଯିବା ପରେ, ତାଙ୍କ ବେକର କୋଷିକାଗୁଡ଼ିକ ନଷ୍ଟ ହୋଇ ଯାଇଥିବା କହିଥିଲେ ଡ଼ାକ୍ତର । ଏହା ପରେ ଚିକିତ୍ସା ସମୟରେ ହିଁ ଯୁବକଙ୍କ ମୃତ୍ୟୁ ଘଟିଥିଲା । ଅଧିକ ସମୟ ପର୍ଯ୍ୟନ୍ତ ତଳକୁ ବେକ କରି ପବ୍ଜି ଗେମ୍ ଖେଳୁଥିବାରୁ ଏପରି ହୋଇଥିବା କହିଛନ୍ତି ଡ଼ାକ୍ତର ।