ଜୟପୁର: ଜୟପୁର ନିକଟସ୍ଥ ଦୋସା ଜିଲ୍ଲାରେ ଲାଲସୋଟରେ ଏକ ବସ୍ ଚାଳକଙ୍କ ଅବହେଳା ହେତୁ ୫୦ଜଣ ସ୍କୁଲ ଛାତ୍ରଛାତ୍ରୀଙ୍କ ଜୀବନ ବିପଦରେ ପଡ଼ିଥିଲା। ବସ୍ ଭିତରେ ପାଣି ପଶିଯିବା ହେତୁ ପିଲାମାନେ ଭୟରେ କାନ୍ଦିବାକୁ ଲାଗିଥିଲେ। ଘଟଣାସ୍ଥଳରେ ଥିବା ସ୍ଥାନୀୟଲୋକମାନେ ବସ ଭିତରୁ ସୁରକ୍ଷିତ ଭାବେ ପିଲାମାନଙ୍କୁ ବାହାରକୁ ବାହାର କରିଥିଲେ। କିଏ ରଶିର ବନ୍ଦୋବସ୍ତ କରିଥିଲା ତ ଆଉ କିଏ ନିଜ ଜୀବନକୁ ବାଜି ଲଗାଇ ପାଣି ଭିତର ଦେଇ ବସ୍ ଛାତକୁ ଚଢ଼ି ଯାଇଥିଲେ ପିଲାଙ୍କୁ ଉଦ୍ଧାର ପାଇଁ।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ରାଜସ୍ଥାନରେ ବର୍ଷା ଜାରି ରହିଛି। ଏହି କାରଣରୁ ଅନେକ ସ୍ଥାନ ଜଳବନ୍ଦୀ ହୋଇଯାଇଛି। ଜୟପୁରର ଲାଲପୋଷ୍ଟସ୍ଥିତ ଜଗେନର ଗ୍ରାମରେ ଏମିତି ଏକ ସ୍ଥାନରେ ସ୍କୁଲ ବସ୍ ଫସି ଯାଇଥିଲା। ଏହି ଅଣ୍ଡରପାସ୍ ଦୌସା-ଗଙ୍ଗାପୁର ରେଳ ଲାଇନ୍ରେ ରହିଛି। ଏଠାରେ ଚାଳକ ବସ୍ ଅଟକାଇବା ବଦଳରେ ପାଣି ଭିତରେ ପୂରାଇ ଦେଇଥିଲେ। ବସ୍ର ଝରକା ପର୍ଯ୍ୟନ୍ତ ପାଣି ଭରି ଯାଇଥିଲା। ଏହାପରେ ଚାଳକ ଯେତେବେଳେ ବସ୍କୁ ପଛକୁ ଆଣିବାକୁ ଚେଷ୍ଟା କରୁଥିଲେ, ସେଥିରେ ସେ ଅସଫଳ ରହିଥିଲେ ଏବଂ ବସ୍ର ଷ୍ଟାର୍ଟ ବି ବନ୍ଦ ହୋଇଯାଇଥିଲା। ବସ୍ ଭିତରେ ପାଣି ପଶିବା ଦେଖି ଛାତ୍ରଛାତ୍ରୀ ଭାବେ ଭୟରେ କାନ୍ଦିବାକୁ ଲାଗିଥିଲେ। ବସ୍ ଭିତରେ ଥିବା ବଡ଼ ପିଲାମାନେ ତାଙ୍କର ସାନ ପିଲାଙ୍କୁ ସାହାଯ୍ୟ କରି ବସ ଛାତ ପର୍ଯ୍ୟନ୍ତ ପହଞ୍ଚାଇ ଥିଲେ। ଏହି ଛାତ୍ରଛାତ୍ରୀଙ୍କୁ ପାଣି ଭିତରୁ ଉଦ୍ଧାର ପାଇଁ ସ୍ଥାନୀୟଲୋକେ ବି ସାହାଯ୍ୟର ହାତ ବଢ଼ାଇ ସମସ୍ତଙ୍କୁ ସୁରକ୍ଷିତ ଭାବେ ବସରୁ ବାହାରକୁ ବାହାର କରିଥିଲେ।