ଚୀନରେ କରୋନା ଭାଇରସ୍ ନେଲାଣି ୫୬ ଜଣ ଲୋକଙ୍କ ଜୀବନ
ଉହାନ୍: ଭୟଙ୍କର କରୋନା ଭାଇରସ୍ ଚୀନରେ ଏଯାଏଁ ୫୬ ଜଣ ଲୋକଙ୍କର ଜୀବନ ନେଲାଣି | ଏହା ଛଡା ୨୦୦୦ରୁ ଅଧିକ ଲୋକ ଏହି ଭାଇରସ ଦ୍ୱାରା ପୀଡିତ ଥିବାରୁ ମୃତ୍ୟୁ ସଂଖ୍ୟା ବଢିବାର ଆଶଙ୍କା ଦେଖାଦେଇଛି | ଚୀନର ନ୍ୟାସନାଲ ହେଲଥ କମିଶନଙ୍କ ରିପୋର୍ଟ ମୁତାବକ ଶୁକ୍ରବାର ଦିନ ୪୪୪ଟି ନୂଆ ମାମଲା ସାମ୍ନାକୁ ଆସିଛି | ଯେଉଁଥିରୁ ୨୩୭ ଜଣ ରୋଗୀଙ୍କ ସଂଖ୍ୟା ଉଦବେଗଜନକ ରହିଛି |
Sambad is now on WhatsApp
Join and get latest news updates delivered to you via WhatsApp
ଚୀନ ଛଡା ଫ୍ରାନ୍ସରେ ୨ ଜଣ, ଅଷ୍ଟ୍ରେଲିଆରେ ଜଣେ. ଥାଇଲାଣ୍ଡରେ ୪ ଜଣ, ଜାପାନରେ ୨ ଜଣ, ଦକ୍ଷିଣ କୋରିଆରେ ୨ ଜଣ, ଆମେରିକାରେ ୨ ଜଣ, ଭିଏତନାମାରେ ୨ ଜଣ, ସିଙ୍ଗାପୁରରେ ୩ ଜଣ ଆକ୍ରାନ୍ତ ଏହି ଭାଇରସ ଦ୍ୱାରା ହୋଇଛନ୍ତି | ରାଷ୍ଟ୍ରପତି ସି ଜିନ୍ପିଙ୍ଗ ପରିସ୍ଥିତି ଉଦ୍ବେଗଜନକ ବୋଲି ଆଜି ଘୋଷଣା କରିଛନ୍ତି।
ଚୀନ୍ରେ ଏବେ ୧୭ ସହରକୁ ଅଚଳ କରିଦିଆଯାଇଛି। ହୁୱେଇ ପ୍ରଦେଶରେ ୫୬ ନିୟୁତ ଲୋକଙ୍କୁ ପଦାକୁ ବାହାରିବାପାଇଁ ମନା କରାଯାଇଛି। ସମସ୍ତ ବ୍ୟବସାୟିକ କେନ୍ଦ୍ର ଏବଂ ପରିବହନ ବ୍ୟବସ୍ଥା ରହିଛି। ଉହାନ୍ରେ ଲୋକଙ୍କୁ ଘରୁ ଆଦୌ ନ ବାହାରିବାକୁ ପରାମର୍ଶ ଦିଆଯାଇଛି। ରୋଗୀଙ୍କୁ ଚିକିତ୍ସା ପାଇଁ ଡାକ୍ତର ଅଭାବ ଦେଖାଦେବାରୁ ଉହାନ୍ରେ ଏବେ ହସ୍ପିଟାଲଗୁଡ଼ିକରେ ପ୍ରାୟ ୪୫୦ ଜଣ ପିଏଲ୍ଏ (ପିପୁଲ୍ସ ଲିବରେସନ୍ ଆର୍ମି)ର ୪୫୦ ଡାକ୍ତର ନିୟୋଜିତ ହୋଇଛନ୍ତି।