ଝାଡଖଣ୍ଡ: ନକ୍ସଲଙ୍କ ଲ୍ୟାଣ୍ଡମାଇନ୍ ବିସ୍ଫୋରଣରେ ୬ ଯବାନ ସହିଦ
ରାଞ୍ଚି: ଝାଡଖଣ୍ଡର ଗାର୍ଓ୍ଵା ଜିଲ୍ଲାର ଛିଞ୍ଜା ଅଞ୍ଚଳରେ ମଙ୍ଗଳବାର ରାତିରେ ଝାଡଖଣ୍ଡର ଜାଗୁଆର୍ ଯବାନମାନେ ନକ୍ସଲ ଉପଦ୍ରୁତ ଅଞ୍ଚଳରେ ଜୋରଦାର୍ ଅପରେସନ୍ ଚଳାଇ ଥିବା ବେଳେ ନକ୍ସଲମାନେ ଏକ ବଡ଼ ଧରଣର ଲ୍ୟାଣ୍ଡମାଇନ୍ ବିସ୍ଫୋରଣ ଘଟାଇଥିଲେ । ଏହି ବିସ୍ଫୋରଣରେ ୬ ଜଣ ଯବାନ ସହିଦ ହୋଇଥିବା ବେଳେ ଚାରି ଜଣ ଯବାନ ଗୁରୁତର ହୋଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଗାର୍ଓ୍ଵା ପୁଲିସର ଡେପ୍ୟୁଟି ଜେନେରାଲ ବିପୁଲ ଶୁକ୍ଳାଙ୍କ କହିବାନୁସାରେ, ମଙ୍ଗଳବାର ଶାମ ଲୋତେହାର ଓ ଗାର୍ଓ୍ଵାର ସୀମାର ଛିଞ୍ଜା ଅଞ୍ଚଳରେ କିଛି ନକ୍ସଲ ଲୁଚିଥିବା ନେଇ ବିଶେଷ ସୂତ୍ରରୁ ସୂଚନା ମିଳିଥିଲା। ଏହାପରେ ପୁଲିସ ଓ ସୁରକ୍ଷାକର୍ମୀ ସଙ୍ଗେସଙ୍ଗେ ଅପରେସନ୍ ଆରମ୍ଭ କରି ଦେଇଥିଲେ। ସେନାକୁ ସାମ୍ନାରେ ପାଇ ନକ୍ସଲ ବି ଗୁଳି ଚାଳନା ଆରମ୍ଭ କରି ଦେଇଥିଲେ ଓ ରାସ୍ତାରେ ପୂର୍ବରୁ ଲୁଚାଇ ରଖିଥିବା ଲ୍ୟାଣ୍ଡମାଇନ୍ ବିସ୍ଫୋରଣ କରିଥିଲେ। ଯେଉଁଥିରେ ଝାଡଖଣ୍ଡର ଜଗୁଆର୍ ବାହିନୀର ଛଅ ଜଣ ଯବାନ ସହିଦ ହୋଇଥିବା ବେଳେ ଅନ୍ୟ ଯବାନମାନେ ଗୁରୁତର ହୋଇଥିବା ସୂଚନା ମିଳିଛି। ଏବେ ବି ଅପରେସନ୍ ଜାରି ରହିଛି । ଅପରେସନ୍କୁ ନେଇ ବିସୃତ ରିପୋର୍ଟ ଏଯାବତ୍ ମିଳି ନାହିଁ।
ଆହୁରି ଖବର ଅପେକ୍ଷାରେ..
Jharkhand: Rescue operation underway for 4 Jharkhand Jaguar personnel who were injured in a landmine blast triggered by Naxals in a forest in Garwa district yesterday. pic.twitter.com/N7fHIIOtDc
— ANI (@ANI) June 27, 2018