ମାଲକାନଗିରି: ପୁଲିସ ଗୁଳିରେ ୮ ନକ୍ସଲ ନିହତ
ମାଲକାନଗିରି: ମାଲକାନଗିରି ସୀମାନ୍ତ ତେଲେଙ୍ଗାନାରେ ଆଜି ପୁଲିସକୁ ବଡ଼ ସଫଳତା ମିଳିଛି। ପୁଲିସ କମ୍ବିଂ ଅପରେସନ୍ ସମୟରେ ନକ୍ସଲ- ସୁରକ୍ଷା କର୍ମୀଙ୍କ ମଧ୍ୟରେ ଗୁଳି ବିନିମୟ ଘଟି ୮ ଜଣ ନକ୍ସଲଙ୍କର ମୃତ୍ୟୁ ଘଟିଛି। ଆଜି ସକାଳେ ୫ଟାରୁ ଏହି ଏନକାଉଣ୍ଟର ଚାଲିଥିଲା।
Sambad is now on WhatsApp
Join and get latest news updates delivered to you via WhatsApp
ତେେଲେଙ୍ଗାନା ପୁଲିସ ଠାରୁ ମିଳିଥିବା ସୂଚନରା ଅନୁଯାୟୀ, ଭଦ୍ରାଦି କୋଥାଗୁଡେମ୍ ଜିଲ୍ଲାର ମାମିଦିପାଲେମ୍ ଗ୍ରାମ ନିକଟସ୍ଥ ନେଲାମଡ଼ଗୁ ଜଙ୍ଗଲରେ ସୁରକ୍ଷାକର୍ମୀଙ୍କ ସହିତ ଗୁଳି ବିନିମୟ ସମୟରେ ଟେକୁଳାପାଲି ମଣ୍ଡଳମ୍ର ୮ ଜଣ ନକ୍ସଲ ମୃତ୍ୟୁବରଣ କରିଛନ୍ତି। ମୃତ୍ୟୁବରଣ କରିଥିବା ନକ୍ସଲମାନେ ଚନ୍ଦ୍ର ପୁଲ୍ଲ ରେଡ୍ଡି ଗ୍ରୁପ୍ର ବୋଲି ଜଣାପଡ଼ିିଛି। ଯଦିଓ ବର୍ତ୍ତମାନ ଚନ୍ଦ୍ରପୁଲ ରେଡ୍ଡୀ ଜୀବିତ ନାହାଁନ୍ତି, ମାତ୍ର ତାଙ୍କ ନାମରେ ଗଠିତ ଓ ଜଣାଶୁଣା ସିପି ଗ୍ରୁପ ତେଲେଙ୍ଗାନାରେ ବେଶ୍ ସକ୍ରୀୟ ରହିଛି। ଏହି ଗ୍ରୁପ୍ର ମୁଖ୍ୟ ବର୍ତ୍ତମାନ ତେଲେଙ୍ଗାନା ଜେଲରେ ବନ୍ଦ ଅଛନ୍ତି। ନିକଟରେ ଏହି ଗ୍ରୁପ୍ର କେତେ ଜଣ ସଦସ୍ୟଙ୍କୁ ପୁଲିସ ଗିରଫ କରିଥିଲା।