ରାତାରାତି ବସ୍ ଷ୍ଟପ୍ ପାଲଟି ଗଲା ଘର: ଲୋକେ ଆଶ୍ଚର୍ଯ୍ୟ, ତଦନ୍ତ ଆରମ୍ଭ କରିଛି ପୁଲିସ
ବେଲଗବି : ରାତାରାତି ବନ୍ଧ ନିର୍ମାଣ ବା ରାସ୍ତା କଡ଼ରେ ଚିତ୍ର ଅଙ୍କା ହୋଇଯିବା ଦୃଶ୍ୟ ଆପଣମାନେ ଦେଖିଥିଲେ । କିନ୍ତୁ ଏକ ବସ୍ ଷ୍ଟପ୍ ଘର ପାଲଟି ଯିବା କଥା ଆପଣମାନେ ଶୁଣିଛନ୍ତି କି?ଏ କଥାଟି ଆପଣମାନଙ୍କୁ ଅଶ୍ଚର୍ଯ୍ୟ ଲାଗୁଥିଲେ ମଧ୍ୟ ଏହା ସତ । ଏହି ଘଟଣାଟି ଘଟିଛି କର୍ଣ୍ଣାଟକର ବେଲଗବି ଜିଲ୍ଲାରେ । ଏହି ଜିଲ୍ଲାର କିଟୁର ତଲୁକ ଅଞ୍ଚଳରେ ଥିବା ଏକ ବସ୍ ଷ୍ଟପ୍ଟି ରାତାରାତି ଗୋଟିଏ ଘର ପାଲଟି ଯାଇଛି । ଏହି ବିଷୟରେ ଗାଁର ଲୋକମାନଙ୍କୁ କୌଣସି ଖବର ନ ଥିବା ବେଳେ କିଏ ଏପରି କଲା ବୋଲି ପ୍ରଶ୍ନ ଉଠିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ,କିଟୁର ତଲୁକରେ ଥିବା ବସ୍ ଷ୍ଟପ୍ଟି ପୂରା ଖାଲି ଥିବା ବେଳେ ରାତି ମଧ୍ୟରେ ଇଟା ସିମେଣ୍ଟରେ ତାକୁ ବନ୍ଦ କରାଯିବା ସହ ଦୁଇ କବାଟ ଲଗାଯାଇଥିବା ଲୋକେ ଦେଖିବାକୁ ପାଇଥିଲେ । ହଠାତ୍ ଏଭଳି କିଏ କଲା ବୋଲି ଲୋକମାନେ ଆଶ୍ଚର୍ଯ୍ୟ ହୋଇଥିବା ବେଳେ ପୁଲିସ ଏହାକୁ ତଦନ୍ତ ଆରମ୍ଭ କରିଥିବା ଜଣାପଡ଼ିଛି ।