ନୂଆଦିଲ୍ଲୀ : ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ ନିଧନ ପରେ ଭାରତୀୟ ରାଜନୈତିକ ଆକାଶର ଧ୍ରୁବ ତାରା ଅସ୍ତମୀତ ହୋଇଗଲା । ତାଙ୍କର ବିୟୋଗ ସାରା ଦେଶ ପାଇଁ ଏକ ଅପୂରଣୀୟ କ୍ଷତି । ଭାରତୀୟ ଜନତା ପାର୍ଟି ପାଇଁ ତାଙ୍କ ସ୍ଥାନ ସବୁବେଳେ ଅପୂରଣୀୟ ରହିବ । ପରଲୋକରେ ରହି ମଧ୍ୟ ସେ ଦେଶର ଅଗଣୀତ ଜନମାନସକୁ ପ୍ରେରଣା ଦେଇଚାଲିବେ ବୋଲି କହିଛନ୍ତି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା । ଗଣମାଧ୍ୟମକୁ ସେ କହିଛନ୍ତି ଯେ ଅଟଳଜୀଙ୍କ ସ୍ୱପ୍ନ ଓ ଅଧୁରା କାର୍ଯ୍ୟକୁ ବିଜେପିର ସବୁ କର୍ମୀ ପୂରଣ କରିବାକୁ ଉଦ୍ୟମ କରିବେ । ବ୍ୟକ୍ତିର ବିୟୋଗରେ ଆଦର୍ଶ ଓ ବିଚାରଧାରାର ଅନ୍ତ ହୁଏ ନାହିଁ ବୋଲି ସେ କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଆସନ୍ତା କାଲି ସକାଳ ୭.୩୦ରୁ ୮.୩୦ ପର୍ଯ୍ୟନ୍ତ ବାଜପେୟୀଙ୍କ ମର ଶରୀର ତାଙ୍କ ବାସଭବନରେ ଲୋକମାନଙ୍କ ଶେଷ ଦର୍ଶନ ପାଇଁ ରଖାଯିବ । ୯ଟାରେ ତାଙ୍କ ଶରୀରକୁ ବିଜେପି କାର୍ଯ୍ୟାଳୟ ନିଆଯିବ । ଅପରାହ୍ନ ୧ଟାରେ ତାଙ୍କର ଅନ୍ତିମ ଯାତ୍ରା ଆରମ୍ଭ କରାଯିବ ଓ ୪ଟା ବେଳେ ରାଷ୍ଟ୍ରୀୟ ସ୍ମୃତି ସ୍ଥଳରେ ବୈଦିକ ରୀତି ଅନୁସାରେ ତାଙ୍କର ଦାହ ସଂସ୍କାର କରାଯିବ ବୋଲି ଅମିତ ଶାହ ସୂଚନା ଦେଇଛନ୍ତି ।