ମୋଦିଙ୍କୁ କଟାକ୍ଷ କରି କଂଗ୍ରେସ ଅପ୍ଲୋଡ୍ କରିଥିବା ଭିଡିଓକୁ ନେଇ ଆପତ୍ତି ଉଠାଇଲେ ଅଭିନେତା ଆର୍.ମାଧବନ, କହିଲେ; ଚୀନ୍ ଆଗରେ ଦେଶର ମୁଣ୍ଡ ତଳକୁ କରୁଛି କଂଗ୍ରେସ
ମୁମ୍ବାଇ : ଟୁଇଟ୍ରରେ କଂଗ୍ରେସ ତରଫରୁ ସେୟାର କରାଯାଇଥିବା ଏକ ଭିଡିଓ ଭାଇରାଲ ହେବାରେ ଲାଗିଛି । ଭିଡିଓରେ ପ୍ରଧାନମନ୍ତ୍ରୀ ମୋଦି ଏବଂ ଚୀନ୍ର ରାଷ୍ଟ୍ରପତି ଜିନ୍ପିଙ୍ଗ୍ ପରସ୍ପର ସହ କଥା ହେଉଥିବାର ଦେଖା ଯାଇଛି । ଭିଡିଓଟି ଅସଲି ଥିବା ବେଳେ ତାକୁ ଏଡିଟ୍ କରି ଯେଉଁ ସବୁ କଥା ଲେଖା ଯାଇଛି, ତାକୁ ନେଇ ଆପତ୍ତି ଉଠାଇଛନ୍ତି ବଲିଉଡ୍ ଅଭିନେତା ଆର୍.ମାଧବନ୍ । କଂଗ୍ରେସ ଏପରି କରି ଦେଶର ମୁଣ୍ଡକୁ ତଳକୁ କରିଛି ବୋଲି ଆର୍.ମାଧବନ୍ ନିଜର ମତ ରଖିଛନ୍ତି । କଂଗ୍ରେସ କରିଥିବା ଟୁଇଟ୍ରେ ରି-ଟୁଇଟ୍ କରି ସେ ଲେଖିଛନ୍ତି, ଏଭଳି କରିବା ସମ୍ପୂର୍ଣ୍ଣ ଭୁଲ । ରାଜନୈତିକ ପ୍ରତିଦ୍ୱନ୍ଦିତା ଥିଲେ ମଧ୍ୟ ମୋଦିଜୀ ଭାରତର ପ୍ରଧାନମନ୍ତ୍ରୀ । ଏଭଳି ଭିଡିଓ ସେୟାର କରି ଚୀନ୍ ଆଗରେ ଭାରତ ମୁଣ୍ଡକୁ ନୂଆଁଇ ଦେଇଛ । ଏହି ଟୁଇଟ୍ର ଆକାଉଣ୍ଟରୁ ଏଭଳି ଆଶା କରାଯାଇ ନଥିଲା। ପ୍ରଧାନମନ୍ତ୍ରୀ ମୋଦି ଏବଂ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀଙ୍କୁ ଟ୍ୟାଗ୍ କରିଛନ୍ତି ଆର୍.ମାଧବନ ।
Sambad is now on WhatsApp
Join and get latest news updates delivered to you via WhatsApp
This is in such bad taste.What ever the political rivalry -Shri Modi Ji is the Prime Minister of this country and you are demeaning this nation in front of China in this video with such crass attempt at humor.NOT expected from this Twitter handle ??.@narendramodi @RahulGandhi https://t.co/KJiPyZI7lt
— Ranganathan Madhavan (@ActorMadhavan) 15 March 2019
କଂଗ୍ରେସ ଟୁଇଟ୍ କରିଥିବା ୫୫ସେକେଣ୍ଡର ଭିଡିଓରେ, ପ୍ରଧାନମନ୍ତ୍ରୀ ମୋଦି ଚୀନ୍ର ରାଷ୍ଟ୍ରପତି ଜିନ୍ପିଙ୍ଗ୍ଙ୍କୁ ଦେଖି ପ୍ରଥମେ ଡ଼ରୁଥିବା ଦେଖାଇଥିବା ବେଳେ ପରେ ସେ ଜିନ୍ପିଙ୍ଗ୍ଙ୍କ ବହୁତ ବଡ଼ ପ୍ରଶଂସକ ବୋଲି କହୁଛନ୍ତି । ଏହା ପରେ ଆପଣଙ୍କର ପ୍ରତିମୂର୍ତ୍ତି ଏଠାରେ ତିଆରି କରିବା ଦରକାର ବୋଲି ମୋଦି ଚୀନ୍ର ରାଷ୍ଟ୍ରପତି ଜିନ୍ପିଙ୍ଗ୍ଙ୍କୁ କହୁଥିବା ଦେଖା ଯାଇଛି । ଏହା ଶୁଣି ଚୀନ୍ର ରାଷ୍ଟ୍ରପତି ଜିନ୍ପିଙ୍ଗ୍ ଯାହା କହିଲେ ବି ମୁଁ ଡୋକଲାମ ଦେବି ନାହିଁ ବୋଲି କହୁଥିବା ଦେଖିବାକୁ ମିଳିଛି । ଏହା ପରେ ମୋଦିଜୀ ରାଷ୍ଟ୍ରପତି ଜିନ୍ପିଙ୍ଗ୍ଙ୍କ ହସ୍ତାକ୍ଷର ଦେଖି ପ୍ରଶଂସା କରିବା ପରେ ଜିନ୍ପିଙ୍ଗ୍ ତାଙ୍କୁ କ’ଣ ଦରକାର ବୋଲି ପଚାରୁଛନ୍ତି । ଏହା ଶୁଣି ମୋଦିଜୀ ମାସୁଦଙ୍କୁ ବ୍ଲାକ୍ ଲିଷ୍ଟ କରିଦିଅ ବୋଲି କହୁଥିବା ଦେଖା ଯାଇଛି । କିନ୍ତୁ ମୋଦିଜୀଙ୍କ ଏ ପ୍ରସ୍ତାବକୁ ଆପଣାଇବା ପାଇଁ ମଧ୍ୟ ଜିନ୍ପିଙ୍ଗ୍ ମନା କରି ଦେଉଛନ୍ତି । ଭିଡିଓରେ କଂଗ୍ରେସ ବାରମ୍ବାର ମୋଦିଜୀଙ୍କୁ ଅପମାନିତ କରୁଥିବା ଦେଖା ଯାଇଛି । ଯାହା ଆଦୌ ଗ୍ରହଣୀୟ ନୁହେଁ ବୋଲି କହିଛନ୍ତି ଆର୍.ମାଧବନ ।