ପଣଜୀ: ରବିବାର ଦିନ ଗୋଆର ଅସୁସ୍ଥ ପ୍ରଧାନମନ୍ତ୍ରୀ ମନୋହର ପାରିକର ମଣ୍ଡୋବି ନଦୀରେ ନିର୍ମାଣାଧୀନ ଏକ ସେତୁ ଯାଞ୍ଚ କରିଛନ୍ତି। ଦିଲ୍ଲୀର ଏମ୍ସ୍ ଠାରେ ଚିକିତ୍ସିତ ହୋଇ ଅକ୍ଟୋବର ୧୪ ତାରିଖ ଦିନ ଘରକୁ ଫେରିବା ପରେ ପ୍ରଥମ ଥର ଲାଗି ସର୍ବସାଧାରଣ ସ୍ଥାନକୁ ବାହାରିଥିଲେ ମନୋହର।
Sambad is now on WhatsApp
Join and get latest news updates delivered to you via WhatsApp
ଏହା ପରେ ସେଠାରୁ ୧୫ କିଲୋମିଟର ଦୂର ଆଗାସାମି ଗାଁ ନିକଟରେ ପ୍ରବାହିତ ଜୁଆରି ନଦୀରେ ନିର୍ମାଣାଧୀନ ଥିବା ଅନ୍ୟ ଏକ ସେତୁ କାର୍ଯ୍ୟ ମଧ୍ୟ ଯାଞ୍ଚ କରିଥିଲେ।
ଅଗ୍ନାଶୟ ଅସୁସ୍ଥତା ଭୋଗୁଥିବା ପାରିକର ଅକ୍ଟୋବର ୧୪ ତାରିଖ ଠାରୁ ନିଜ ବେସରକାରୀ ବାସଭବନରେ ରହି ଧୀରେ ଧୀରେ ଉପସମ ଲାଭ କରୁଛନ୍ତି। ଗତକାଲି ସେ ପ୍ରଥମ ଥର ଲାଗି ପଦାକୁ ବାହାରିଥିଲେ ବୋଲି ଅଧିକାରୀମାନେ କହିଛନ୍ତି।
ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟର ଜଣେ ବରିଷ୍ଠ କର୍ମଚାରୀ କହିଛନ୍ତି ଯେ ମାଣ୍ଡୋବି ନଦୀ ଉପରେ ଚାଲିଥିବା ତୃତୀୟ ସେତୁ ନିର୍ମାଣ କାର୍ଯ୍ୟ ଯାଞ୍ଚ କରି ପାରିକର ପୋର୍ବୋରିମ୍ରୁ ମର୍ସେସ୍ ଯାଏଁ ଯାଇଥିଲେ। ଆସନ୍ତା ବର୍ଷ ଶେଷ ହେବାକୁ ଧାର୍ଯ୍ୟ କରାଯାଇଥିବା ଏହି ସେତୁ ପଣଜୀ ସହ ଉତ୍ତର ଗୋଆର ସମସ୍ତ ଅଞ୍ଚଳକୁ ଯୋଗ କରିବ।
ପାରିକର ନିର୍ମାଣସ୍ଥଳୀରେ କାର୍ରୁ ଓହ୍ଲାଇ ଗୋଆ ଇନ୍ଫ୍ରାଷ୍ଟ୍ରକ୍ଚର୍ ଡେଭେଲପ୍ମେଣ୍ଟ୍ କର୍ପୋରେସନ୍ ଆଣ୍ଡ୍ କଷ୍ଟ୍ରକ୍ସନ୍ ଫାର୍ମ ଲାର୍ସନ୍ ଆଣ୍ଡ୍ ଟୁର୍ବୋର କର୍ମଚାରୀଙ୍କ ନିର୍ମାଣର ଅଗ୍ରଗତି ସଂକ୍ରାନ୍ତରେ ଆଲୋଚନା କରିଥିଲେ।