ରଜନୀଙ୍କ ରଙ୍ଗ ଗୈରିକ କି? ଏହା ସତ ହେଲେ ତାଙ୍କ ସହ ମେଣ୍ଟ ଅସମ୍ଭବ : କମଲ ହାସାନ
ନୂଆଦିଲ୍ଲୀ: ବୋଧହୁଏ ତାମିଲ ସିନେମାର ସୁପରଷ୍ଟାର ରଜନୀକାନ୍ତଙ୍କ ରାଜନୈତିକ କ୍ୟାରିୟର ଆଗକୁ ବେଶ ଆହ୍ଵାନପୂର୍ଣ୍ଣ ହେବାକୁ ଯାଉଛି । କାରଣ କିଛିଦିନ ତଳେ ତାଙ୍କ ଦଳ ସହ ହାତ ମିଳାଇବାକୁ କହୁଥିବା ଆଉଜଣେ ତାମିଲ ସୁପରଷ୍ଟାର କମଲ ହାସାନ ତାଙ୍କ ଉପରେ ପ୍ରଶ୍ନ ଚିହ୍ନ ଲଗାଇଛନ୍ତି । ସେ ଯଦି ଗୈରିକ ରଙ୍ଗର ପୂଜାରୀ ସାଜନ୍ତି ତେବେ ତାଙ୍କ ସହ ଗଠବନ୍ଧନ କରିବା ସମ୍ଭବ ନୁହେଁ ବୋଲି କମଲ କହିଛନ୍ତି । ସେ କହିଛନ୍ତି ତାଙ୍କର ଆଚରଣରୁ ହିନ୍ଦୁତ୍ୱର ଗନ୍ଧ ସେ ବାରିପାରୁଛନ୍ତି । ତାଙ୍କର ବିଜେପି ଆରଏସଏସ ସହ ଭଲ ସଂପର୍କ ରହିଛି, ସାଧୁସନ୍ୟାସୀଙ୍କ ସହ ମିଶିବାକୁ ସେ ଭଲ ପାଆନ୍ତି, ବର୍ଷରେ ଥରେ ହିମାଳୟ ଯାଆନ୍ତି । ସେ ଯଦି ନ ବଦଳନ୍ତି ତାଙ୍କ ସହ ହାତ ମିଳାଇବା ସମ୍ଭବ ନୁହେଁ ବୋଲି ସେ କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ହାଭାର୍ଡ ବିଶ୍ୱବିଦ୍ୟାଳୟରେ ଏକ ଭାଷଣ ଦେଇ ସେ କହିଛନ୍ତି ଯେ “ମୁଁ ଭାବୁଛି ରଜନୀ ସାର୍ଙ୍କ ରଙ୍ଗ ଗୈରିକ ନୁହେଁ । ଯଦି ତାଙ୍କ ରଙ୍ଗ ଗୈରିକ ଥାଏ ତେବେ ତାଙ୍କ ସହ ମେଣ୍ଟ କରିବା ସମ୍ଭବ ନୁହେଁ । ପ୍ରଧାନମନ୍ତ୍ରୀ ମୋଦି, ଅମିତ ଶାହ, ଆରଏସଏସ ମୁଖ୍ୟ ମୋହନ ଭାଗବତଙ୍କ ସହ ତାଙ୍କର ସମ୍ପର୍କ ଭଲ । ଏଣୁ ଯଦି ସମ୍ଭବ ହୁଏ ଅନ୍ୟ ମାନଙ୍କ ସହ ନିର୍ବାଚନୀ ମେଣ୍ଟ ବିକଳ୍ପ ଖୋଲା ଅଛି ।”