ନୂଆଦିଲ୍ଲୀ: ସୁପ୍ରିମକୋର୍ଟଙ୍କ ନିର୍ଦ୍ଦେଶକ୍ରମେ ଗତ କାଲି ନିଜ ପଦ ଫେରିପାଇଥିବା ସିବିଆଇ ନିର୍ଦ୍ଦେଶକ ଆଲୋକ ବର୍ମାଙ୍କୁ ଆଜି ନିଜ ପଦରୁ ହଟାଇଦିଆଯାଇଛି । ପ୍ରାୟ ୩୬ ଘଣ୍ଟା ନିଜ ପଦରେ ରହିବା ପରେ ତାଙ୍କୁ ପୁଣି ପଦ ହରାଇବାକୁ ପଡିଛି । ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବାସଭବନରେ ବସିଥିବା ସିଲେକ୍ଟ କମିଟି ବୈଠକରେ ଏହି ନିଷ୍ପତ୍ତି ୨-୧ ଭୋଟରେ ନିଆଯାଇଛି । ଏହି ବୈଠକରେ ପ୍ରଧାନମନ୍ତ୍ରୀ ମୋଦିଙ୍କ ବ୍ୟତୀତ ବିରୋଧୀ ଦଳ ନେତା ମଲ୍ଲିକାର୍ଜୁନ ଖଡଗେ ଓ ସୁପ୍ରିମକୋର୍ଟର ବରିଷ୍ଠ ବିଚାରପତି ଜଷ୍ଟିସ ଏ.କେ. ସିକ୍ରି ଉପସ୍ଥିତ ଥିଲେ । ତାଙ୍କ ସ୍ଥାନରେ ଓଡ଼ିଶା କ୍ୟାଡର ଆଇପିଏସ ଅଫିସର କେ. ନାଗଶ୍ୱର ରାଓ ପୁଣି ଦାୟିତ୍ୱରେ ରହିବାର ସମ୍ଭାବନା ରହିଛି ।
Sambad is now on WhatsApp
Join and get latest news updates delivered to you via WhatsApp
ଦୁର୍ନୀତି ମାମଲାର ସମ୍ମୁଖୀନ ହୋଇଥିବା ଆଲୋକ ବର୍ମା ସରକାରଙ୍କ ନିର୍ଦ୍ଦେଶକ୍ରମେ ସେ ଦୀର୍ଘ ୭୭ ଦିନ ଛୁଟିରେ ରହିବା ପରେ ଗତ ବୁଧବାର ଦିନ ନିଜ ପଦ ଫେରିପାଇଥିଲେ । ମାତ୍ର ୩୬ ଘଣ୍ଟା ପଦରେ ରହିବା ଭିତରେ ସେ କାମଚଳା ନିର୍ଦ୍ଦେଶକ ନାଗେଶ୍ୱର ରାଓ ନେଇଥିବା ବଦଳି ନିଷ୍ପତ୍ତିକୁ ବାତିଲ କରିଦେଇଥିଲେ । ଏହା ସହିତ କେତେକ ଅଫିସରଙ୍କୁ ବଦଳି କରିଦେଇଥିଲେ ।