କର୍ଣ୍ଣାଟକ ବିଧାନସଭାରେ ଅଚଳାବସ୍ଥା ଜାରି; ସନ୍ଧ୍ୟା ୬ଟା ସୁଦ୍ଧା ଆସ୍ଥା ଭୋଟ ଶେଷ କରିବାକୁ ନୂତନ ନିର୍ଦ୍ଦେଶନାମା ଜାରି କଲେ ରାଜ୍ୟପାଳ
ବେଙ୍ଗଲୁରୁ: କର୍ଣ୍ଣାଟକ ମୁଖ୍ୟମନ୍ତ୍ରୀ ଏଚ୍ ଡି କୁମାରସ୍ୱାମୀଙ୍କ ଆସ୍ଥା ଭୋଟକୁ କେନ୍ଦ୍ର କରି ବିଧାନସଭାରେ ଚାଲିଥିବା ହାଇଡ୍ରାମା ଶେଷ ହେବାର ନାଁ ନେଉନାହିଁ। ରାଜ୍ୟପାଳ ବାଜୁଭାଇ ବାଲା ଗତ ରାତିରେ ମୁଖ୍ୟମନ୍ତ୍ରୀ କୁମାରସ୍ୱାମୀଙ୍କ ନିକଟକୁ ଏକ ପତ୍ର ଲେଖି ଆଜି ଅପରାହ୍ଣ ସାଢ଼େ ଗୋଟାଏ ସୁଦ୍ଧା ଆସ୍ଥା ଭୋଟ ପ୍ରକ୍ରିୟା ଶେଷ କରିବାକୁ ନିର୍ଦ୍ଦେଶ ଦେଇଥିଲେ। ମାତ୍ର ଆସ୍ଥାଭୋଟ ଉପରେ ଚାଲିଥିବା ଆଲୋଚନା ଶେଷ ନହେବା ପର୍ଯ୍ୟନ୍ତ ଭୋଟ ଗ୍ରହଣ କରାଯାଇ ପାରିବ ନାହିଁ ବୋଲି କଂଗ୍ରେସ ନେତା ସିଦ୍ଧରମେୟା ବିଧାନସଭାରେ କହିଛନ୍ତି। ଆହୁରି ୨୦ ଜଣ ବିଧାୟକ ଆଲୋଚନାରେ ଅଂଶ ଗ୍ରହଣ କରିବାକୁ ଥିବାରୁ ଆଲୋଚନା ସୋମବାର ପର୍ଯ୍ୟନ୍ତ ଚାଲିବ ବୋଲି କହିଛନ୍ତି ସିଦ୍ଧରମେୟା।
Sambad is now on WhatsApp
Join and get latest news updates delivered to you via WhatsApp
ଅନ୍ୟପକ୍ଷରେ ଆସ୍ଥା ଭୋଟ ନେଇ ସମୟ ସୀମା ନିର୍ଦ୍ଧାରଣ କରି ରାଜ୍ୟପାଳ ମୁଖ୍ୟମନ୍ତ୍ରୀଙ୍କୁ ପତ୍ର ଲେଖିଥିବା ବେଳେ ଏବେ ଏମାମଲାରେ ବାଚସ୍ପତି ଆଉ କିଛି କରି ପାରିବେ ନାହିଁ ବୋଲି କହି ଦେଇଛନ୍ତି। ଏଣେ ଗୃହ କାର୍ଯ୍ୟରେ ହସ୍ତକ୍ଷେପ କରି ରାଜ୍ୟପାଳ ସ୍ପଷ୍ଟ ଦିବାଲୋକରେ ଗଣତନ୍ତ୍ରକୁ ହତ୍ୟା କରିଛନ୍ତି ବୋଲି ମୁଖ୍ୟମନ୍ତ୍ରୀ କୁମାରସ୍ୱାମୀ। ଏପରିସ୍ଥିତିରେ ରାଜ୍ୟପାଳ ଆଜି ସନ୍ଧ୍ୟା ୬ଟା ସୁଦ୍ଧା ଆସ୍ଥା ଭୋଟ ଶେଷ କରିବାକୁ ଆଉ ଏକ ନୂତନ ନିର୍ଦ୍ଦେଶନାମା ଜାରି କରିଛନ୍ତି।
Karnataka Governor Vajubhai Vala sends letter to Chief Minister HD Kumaraswamy to prove majority before 6 pm, today. #Karnataka pic.twitter.com/ucjypTE8iy
— ANI (@ANI) July 19, 2019
ଅନ୍ୟପକ୍ଷରେ ଜେଡିଏସ୍ ବିଧାୟକ ଶ୍ରୀନିବାସ ଗୌଡ଼ ତାଙ୍କୁ ବିଜେପି ୫ କୋଟିର ଲାଞ୍ଚ ଦେଇଥିବା ଅଭିଯୋଗ କରିବା ପରେ କର୍ଣ୍ଣାଟକ ବିଜେପି ମୁଖ୍ୟ ୟେଦୁରାପ୍ପା ତାଙ୍କ ବିରୋଧରେ ବିଧାନସଭାରେ ସ୍ୱାଧିକାର ଭଙ୍ଗ ନୋଟିସ୍ ଆଗତ କରିଛନ୍ତି।
BS Yeddyurappa,BJP: Kolar MLA Srinivas Gowda(JDS) alleged in the assembly that he was offered Rs 5 crore by BJP. We are moving a breach of privilege motion against him. #Karnataka pic.twitter.com/vuaVLMzmCS
— ANI (@ANI) July 19, 2019
ସେପଟେ ସୁପ୍ରମ୍ କୋର୍ଟ ନିର୍ଦ୍ଦେଶର ଅବମାନନା କରି ଦଳ ଦଳୀୟ ବିଧାୟକମାନଙ୍କ ଉପରେ ହୁଇପ୍ ଜାରି କରିଛି ବୋଲି ଅଭିଯୋଗ କରି କର୍ଣ୍ଣାଟକ କଂଗେସ ସଭାପତି ଦୀନେଶ ଗୁଣ୍ଡୁ ରାଓ ସୁପ୍ରିମ୍ କୋର୍ଟରେ ଏକ ମାମଲା ଆଗତ କରିଛନ୍ତି।
Karnataka Congress President Dinesh Gundu Rao has approached Supreme Court. Rao in his petition, claimed that the SC order(on rebel MLAs) had violated the party’s right to issue whip to its MLAs. (file pic) pic.twitter.com/wV7JY0Wxvt
— ANI (@ANI) July 19, 2019
ଉଳ୍ଲେଖଯୋଗ୍ୟ, ଗତକାଲି (ଗୁରୁବାର) ପ୍ରବଳ ହଟ୍ଟଗୋଳ ମଧ୍ୟରେ କର୍ଣ୍ଣାଟକ ବିଧାନସଭାରେ ମୁଖ୍ୟମନ୍ତ୍ରୀ ଏଚ୍ ଡ଼ି କୁମାରସ୍ୱାମୀଙ୍କ କଂଗ୍ରେସ- ଜେଡିଏସ୍ ମିଳିତ ସରକାର ନିଜର ସଂଖ୍ୟା ଗରିଷ୍ଠତାର ପ୍ରମାଣ ଦେବା ଉଦ୍ଦେଶ୍ୟରେ ହେବାକୁ ଥିବା ଆସ୍ଥା ଭୋଟକୁ ବିଧାନସଭାର ଉପ ବାଚସ୍ପତି ଆସନ୍ତାକାଲି (ଜୁଲାଇ ୧୯ ତାରିଖ) ଦିନ ୧୧ଟା ପର୍ଯ୍ୟନ୍ତ ଘୁଞ୍ଚାଇ ଦେଇଥିଲେ। ତେବେ, ଉପ ବାଚସ୍ପତିଙ୍କ ଏ ନିଷ୍ପତ୍ତିର ବିରୋଧ କରି ବିଜେପି ବିଧାୟକମାନେ ଗତକାଲି ସାରା ରାତି ବିଧାନସଭା ଗୃହ ମଧ୍ୟରେ କଟାଇଥିଲେ। ଅନ୍ୟପକ୍ଷରେ ବିଜେପି ବିଧାୟକମାନେ ଆସ୍ଥା ଭୋଟ ଆଗତ କ୍ଷେତ୍ରରେ ବିଧାନସଭାର ବାଚସ୍ପତି ସୁପ୍ରିମ୍ କୋର୍ଟଙ୍କ ନିର୍ଦ୍ଦେଶର ଅବମାନନା କରିବା ସହ ଉଦ୍ଦେଶ୍ୟ ମୂଳକ ଭାବେ ଆସ୍ଥା ଭୋଟ ଆଗତ କରିବାରେ ବିଳମ୍ବ କରୁଛନ୍ତି ବୋଲି ଅଭିଯୋଗ କରି ରାଜ୍ୟପାଳ ବାଜୁଭାଇ ଭାଲ୍ଲାଙ୍କ ଦ୍ୱାରସ୍ଥ ହେବା ସହ ଏ ମାମଲାରେ ରାଜ୍ୟପାଳଙ୍କ ହସ୍ତକ୍ଷେପ ଲୋଡ଼ିଥିଲେ। ରାଜ୍ୟପାଳ ଗତ ରାତିରେ ମୁଖ୍ୟମନ୍ତ୍ରୀ କୁମାରସ୍ୱାମୀଙ୍କ ନିକଟକୁ ଏକ ପତ୍ର ଲେଖି ଆଜି ଅପରାହ୍ଣ ସାଢ଼େ ଗୋଟାଏ ସୁଦ୍ଧା ଆସ୍ଥା ଭୋଟ ପ୍ରକ୍ରିୟା ଶେଷ କରିବାକୁ ନିର୍ଦ୍ଦେଶ ଦେଇଥିଲେ।