ସିସିଡି ପ୍ରତିଷ୍ଠାତା ଭିଜି ସିଦ୍ଧାର୍ଥଙ୍କ ମୃତ୍ୟୁକୁ ନେଇ କହିଲେ ଆନନ୍ଦ ମହିନ୍ଦ୍ରା; ଅସଫଳତାକୁ ନେଇ ଏତେ ପ୍ରଭାବିତ ହେବା ଉଚିତ ନୁହେଁ
ନୂଆଦିଲ୍ଲୀ : ସିସିଡିର ମାଲିକ ଭିଜି ସିଦ୍ଧାର୍ଥଙ୍କ ମୃତ୍ୟୁ ଏବେ ସାରା ଦେଶକୁ ଦୋହଲାଇ ଦେଇଛି । ମୁଁ ନିଜ କାମରେ ଅସଫଳ ହୋଇଛି ବୋଲି ଲେଖି ସେ ଆତ୍ମହତ୍ୟା କରିଥିବା ଖବର ଆସିବା ପରେ ଘଟଣାଟି ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲା । ଏ ନେଇ ଏବେ ମହିନ୍ଦ୍ରା ଗ୍ରୁପ୍ର ଅଧ୍ୟକ୍ଷ ଆନନ୍ଦ ମହିନ୍ଦ୍ରା ଟୁଇଟ୍ କରି ନିଜର ମତ ରଖିଛନ୍ତି । ମୁଁ ଭିଜି ସିଦ୍ଧାର୍ଥଙ୍କୁ ଜାଣି ନଥିଲି କି ତାଙ୍କ ଆର୍ଥିକ ପରିସ୍ଥିତି ବିଷୟରେ ମଧ୍ୟ ମୋର କୌଣସି ଧାରଣା ନଥିଲା । ମୁଁ କେବଳ ଏତିକି ଜାଣିଛି କି, କୌଣସି ବ୍ୟବସାୟୀ ନିଜ ଅସଫଳତାକୁ ନେଇ ଏତେ ପ୍ରଭାବିତ ହୋଇ ଆତ୍ମହତ୍ୟା ଭଳି ପଦକ୍ଷେପ ନେବା ଠିକ୍ ନୁହେଁ ବୋଲି ସେ ଟୁଇଟ୍ରେ ଲେଖିଥିଲେ ।
Sambad is now on WhatsApp
Join and get latest news updates delivered to you via WhatsApp
I did not know him & have no knowledge of his financial circumstances. I only know that entrepreneurs must not allow business failure to destroy their self-esteem. That will bring about the death of entrepreneurship. https://t.co/H4ysr8Ov3U
— anand mahindra (@anandmahindra) July 30, 2019
ସୂଚନା ମୁତାବକ, କର୍ଣ୍ଣାଟକର ପୂର୍ବ ମୁଖ୍ୟମନ୍ତ୍ରୀ ଏସ୍ଏମ୍ କୃଷ୍ଣାଙ୍କ ଜ୍ୱାଇ ଓ ସିସିଡିର ମାଲିକ ଭିଜି ସିଦ୍ଧାର୍ଥଙ୍କ ମୃତଦେହ ବୁଧବାର ନେତ୍ରାବତୀ ନଦୀରୁ ଉଦ୍ଧାର କରାଯାଇଥିଲା । ସୋମବାର ସିଦ୍ଧାର୍ଥ ମାଙ୍ଗାଲୁର ଯିବା ବାଟରେ ନିଖୋଜ ହୋଇ ଯାଇଥିଲେ । ୩୬ଘଣ୍ଟାର ସନ୍ଧାନ ପରେ ତାଙ୍କର ମୃତଦେହକୁ ବୁଧବାର ଉଦ୍ଧାର କରାଯାଇଥିଲା ।