ମାଲକାନଗିରି: ମାଲକାନଗିରି ସୀମାରେ ରବିବାର ୫ ମାଓବାଦୀ ନିହତ ହୋଇଛନ୍ତି। ବିଶାଖାପାଟଣା ଜିଲ୍ଲା ମାଡିଗାମାଲ୍ଲି ଜଙ୍ଗଲରେ କମ୍ବିଂ ଅପରେସନ୍ ବେଳେ ଆନ୍ଧ୍ର ଗ୍ରେହାଉଣ୍ଡ ଗୁଳିରେ ୫ ମାଓବାଦୀ ଟଳି ପଡ଼ିଥିବା ସୂଚନା ମିଳିଛି। ଘଟଣାସ୍ଥଳରୁ ବିପୁଳ ପରିମାଣର ମାଓସାମଗ୍ରୀ, ଅସ୍ତ୍ରଶସ୍ତ୍ର ଓ ବିସ୍ଫୋରକ ସାମଗ୍ରୀ ଜବତ କରାଯାଇଥିବା ବେଳେ ୫ ମାଓବାଦୀଙ୍କ ମୃତଦେହ ବି ମିଳିଛି।
Sambad is now on WhatsApp
Join and get latest news updates delivered to you via WhatsApp
କାଲିମେଳା ଥାନା ସୀମାରେ ମାଡିଗାମାଲ୍ଲି ଗାଁ ଅବସ୍ଥିତ। ଗାଁକୁ ଲାଗିଥିବା ମାଡିଗାମାଲ୍ଲି ଜଙ୍ଗଲରେ ଆଜି ଆନ୍ଧ୍ର ଗ୍ରେହାଉଣ୍ଡ ଓ ମାଓବାଦୀଙ୍କ ମଧ୍ୟରେ ଗୁଳିବିନିମୟ ହୋଇଥିଲା। ଆନ୍ଧ୍ର ଗ୍ରେହାଉଣ୍ଡ ଗୁଳିର ସାମ୍ନା ନକରି ପାରି ୫ ମାଓବାଦୀ ଘଟଣାସ୍ଥଳରେ ଟଳି ପଡ଼ିଥିବା ବେଳେ ଅନ୍ୟମାନେ ସେ ସ୍ଥାନ ଛାଡ଼ି ଚାଲି ଯାଇଥିଲେ। ଘଟଣାସ୍ଥଳରେ ଏବେ ବି ସର୍ଚ୍ଚ ଅପରେସନ୍ ଜାରି ରହିଛି।
ମାଲକାନଗିରି କାଲିମେଳାର ମାଡ଼ିଗାମାଲ୍ଲି ଜଙ୍ଗଲ ଭିତରେ ନକ୍ସଲ ଶିବିର ଚାଲିଥିଲା । ଗୁଇନ୍ଦା ସୂତ୍ରରୁ ଖବର ପାଇ ଅନ୍ଧାର ରାତିରେ ଶିବିରକୁ ସୁରକ୍ଷା ବାହିନୀ ଘେରି ଯାଇଥିଲେ । ଭୋର ହେବା ମାତ୍ରେ ଡିଭିଏଫ୍, ଏସଓଜିଙ୍କ ସହ ଏବଂ ଆନ୍ଧ୍ର ଗ୍ରେହାଉଣ୍ଡ ମିଳିତ ଅପରେସନ୍ ଆରମ୍ଭ କରିଦେଲେ । ଏନକାଉଂଟର ଏତେ ଭୟଙ୍କର ଥିଲା ଯେ ତାକୁ ପ୍ରତିରୋଧ କରିବାକୁ ବାଟ ପାଇ ନଥିଲେ ମାଓବାଦୀ ।