ମୋଦିଙ୍କ ଗସ୍ତ ପୂର୍ବରୁ ଆନ୍ଧ୍ରପ୍ରଦେଶରେ ‘ମୋଦି ଫେରିଯାଅ’ ପୋଷ୍ଟର୍: ‘ଗାନ୍ଧୀବାଦୀ’ ପ୍ରତିବାଦ ଲାଗି ମୁଖ୍ୟମନ୍ତ୍ରୀଙ୍କ ନିର୍ଦେଶ
ଗୁଣ୍ଟୁର୍: ରବିବାର ଦିନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଗସ୍ତ ପୂର୍ବରୁ ସମଗ୍ର ଆନ୍ଧ୍ରପ୍ରଦେଶରେ ମୋଦି ବିରୋଧୀ ପୋଷ୍ଟର୍ ଲଗାଯାଇଛି। କେତେକ ପୋଷ୍ଟର୍ ‘ଆଉ ମୋଦି ନୁହନ୍ତି’, ‘ ମୋଦି ଭୁଲ୍’, ‘ପୁଣି କେବେ ମୋଦି ନୁହନ୍ତି’ ଓ ‘ମୋଦି ଫେରିଯାଅ’ ଆଦି ସ୍ଲୋଗାନ୍। ଏ ପୋଷ୍ଟର୍ କିଏ ଲଗାଇଛି ତାହା ଜଣାପଡ଼ି ନାହିଁ।
Sambad is now on WhatsApp
Join and get latest news updates delivered to you via WhatsApp
ପ୍ରଧାନମନ୍ତ୍ରୀଙ୍କ ଗସ୍ତକୁ କଳା ଦିବସ ବୋଲି ଅଭିହିତ କରି ଆନ୍ଧ୍ର ପ୍ରଦେଶ ମୁଖ୍ୟମନ୍ତ୍ରୀ ଦଳୀୟ କର୍ମୀମାନଙ୍କୁ ରାଜ୍ୟରେ ଗାନ୍ଧୀବାଦୀ ପ୍ରତିବାଦ କରିବାକୁ ଆହ୍ଵାନ ଦେଇଛନ୍ତି। ଟେଲିଫୋନିକ୍ କନ୍ଫରେନ୍ସ୍ରେ ନାଇଡୁ ଦଳୀୟ ନେତାମାନଙ୍କୁ କହିଛନ୍ତି: ଆସନ୍ତାକାଲି କଳା ଦିବସ। ସେ ଆନ୍ଧ୍ରପ୍ରଦେଶ ପ୍ରତି କରିଥିବା ଅନ୍ୟାୟ ଦେଖିବାକୁ ଆସୁଛନ୍ତି। ମୋଦି ରାଜ୍ୟଗୁଡ଼ିକୁ ଓ ସାମ୍ବିଧାନିକ ଅନୁଷ୍ଠାନଗୁଡ଼ିକୁ ଦୁର୍ବଳ କରି ପକାଉଛନ୍ତି। ରାଫେଲ୍ରେ ପ୍ରଧାନମନ୍ତ୍ରୀ କାର୍ଯ୍ୟାଳୟର ହସ୍ତକ୍ଷେପ ଦେଶକୁ ଅସମ୍ମାନ। ହଳଦିଆ ଓ କଳାଜାମା ଓ ବେଲୁନ୍ ସହ ଆମେ ଶାନ୍ତିପୂର୍ଣ୍ଣ ଗାନ୍ଧୀବାଦୀ ପ୍ରତିବାଦ କରିବା।
ଚନ୍ଦ୍ରବାବୁ ନାଇଡୁ ନେତୃତ୍ୱାଧୀନ ଆନ୍ଧ୍ର ପ୍ରଦେଶ ସରକାର ଦୀର୍ଘ ଦିନ ହେବ ରାଜ୍ୟ ଲାଗି ସ୍ୱତନ୍ତ୍ର ପାହ୍ୟା ଦାବି କରିଆସୁଛନ୍ତି।