ସିନ୍ଧୁ ନଦୀଜଳ ରୋକିଲେ ଭଲ ହେବ ନାହିଁ : ପାକିସ୍ତାନର ଧମକ
ଇସ୍ଲାମାବାଦ : ଭାରତ ଦେଇ ପାକିସ୍ତାନକୁ ଆସୁଥିବା ନଦୀଗୁଡ଼ିକର ଗତିପଥ ରୋକିଲେ ତାହାକୁ ଏକ ଉତ୍ତେଜନା ସୃଷ୍ଟିକାରୀ ପଦକ୍ଷେପ ନିଆଯିବ ଓ ଏହାର ଜବାବ ଦିଆଯିବ ବୋଲି ପାକିସ୍ତାନ ସରକାର ସ୍ପଷ୍ଟ କରିଦେଇଛନ୍ତି । ପାକିସ୍ତାନୀ ବୈଦେଶିକ ମନ୍ତ୍ରାଳୟର ମୁଖପାତ୍ର ମହମ୍ମଦ ଫୈଜଲ କହିଛନ୍ତି ଯେ ଚୁକ୍ତି ମୁତାବକ ୩ଟି ନଦୀର ଏକ୍ସକ୍ଲୁସିଭ ରାଇଟ୍ ( ସଂପୂର୍ଣ୍ଣ ଅଧିକାର) ପାକିସ୍ତାନ ପାଖରେ ରହିଛି । ଏହାକୁ କେହି ବଦଳେଇ ପାରିବେ ନାହିଁ ।
Sambad is now on WhatsApp
Join and get latest news updates delivered to you via WhatsApp
ନିକଟରେ ହରିୟାଣାରେ ହୋଇଥିବା ଏକ ନିର୍ବାଚନୀ ସଭାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଥିଲେ ଯେ ଗତ ୭୦ ବର୍ଷ ହେଲା ଭାରତ ଭାଗରେ ଥିବା ପାଣି ମଧ୍ୟ ପାକିସ୍ତାନକୁ ବୋହିଯାଉଥିଲା । କିନ୍ତୁ ଏବେ ତାହାକୁ ବନ୍ଦ କରିଦିଆଯିବ ।
ସୂଚନାଯୋଗ୍ୟ ଯେ ହିମାଳୟରୁ ବାହାରି ଥିବା ୬ଟି ନଦୀ ଭାରତ ବାଟଦେଇ ପାକିସ୍ତାନକୁ ଯାଉଛନ୍ତି ସେଗୁଡ଼ିକ ହେଲେ ସିନ୍ଧୁ, ରବି, ଚେନାବ,ଝେଲମ, ସତଲେଜ ଓ ବ୍ୟାସ । ୧୯୬୦ର ସିନ୍ଧୁ ନଦୀ ଜଳବଣ୍ଟନ ଚୁକ୍ତି ଅନୁସାରେ ବ୍ୟାସ, ସତଲେଜ ଓ ରବି ଭାରତ ନିୟନ୍ତ୍ରଣରେ ରହିଥିବାବେଳେ ଅନ୍ୟତିନୋଟି ନଦୀ ଉପରେ ପାକିସ୍ତାନର ଅଧିକାର ରହିଛି ।