କେଜ୍ରିଓ୍ଵାଲଙ୍କ କଟାକ୍ଷ : ପିଲାମାନଙ୍କୁ ଚୌକିଦାର କରିବାର ଅଛି ତ ବିଜେପିକୁ ଭୋଟ ଦିଅ, ଇଞ୍ଜିନିୟର-ଡ଼ାକ୍ତର କରିବାକୁ ଚାହୁଁଥିଲେ ଆମକୁ ଦିଅ

0

ନୂଆଦିଲ୍ଲୀ : ଦିଲ୍ଲୀର ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲ ଭାରତୀୟ ଜନତା ପାର୍ଟି ଏବଂ ନରେନ୍ଦ୍ର ମୋଦିଙ୍କ ‘ମେଁ ଭି ଚୌକିଦାର ହୁଁ’ ଅଭିଯାନକୁ କଟାକ୍ଷ କରିଛନ୍ତି । ଟୁଇଟ୍‌ କରି, “ଯିଏ ନିଜ ନିଜର ପିଲମାନଙ୍କୁ ଭବିଷ୍ୟତରେ ଚୌକିଦାର କରିବାକୁ ଚାହୁଁଛ, ସେମାନେ ବିଜେପିକୁ ଭୋଟ୍‌ ଦିଅ । କିନ୍ତୁ ଯେଉଁମାନେ ନିଜ ନିଜର ପିଲମାନଙ୍କୁ ଇଞ୍ଜିନିୟର-ଡ଼ାକ୍ତର କରିବାକୁ ଚାହୁଁଛନ୍ତି, ସେମାନେ ଆମ୍‌ ଆଦ୍‌ମୀ ପାର୍ଟିର ପ୍ରାର୍ଥୀଙ୍କୁ ଭୋଟ୍‌ ଦିଅନ୍ତୁ” ବୋଲି ଲେଖିଛନ୍ତି କେଜ୍ରିଓ୍ଵାଲ ।

ଏହା ସହ ମୋଦିଜୀ ସାରା ଦେଶକୁ ଚୌକିଦାର କରିବାକୁ ଚାହୁଁଛନ୍ତି ବୋଲି ମଧ୍ୟ କହିଛନ୍ତି କେଜ୍ରିଓ୍ଵାଲ । ତାଙ୍କର ଏଭଳି ଟୁଇଟ୍‌ ପରେ କିଛି ଲୋକ ତାଙ୍କୁ ସମର୍ଥନ ଜଣାଇଥିବା ବେଳେ କିଛି ଲୋକ ତାଙ୍କୁ ବିରୋଧ କରିଥିବା ଦେଖା ଯାଇଛି ।

ସୂଚନା ମୁତାବକ, ୨୦୧୪ର ନିର୍ବାଚନ ରାଲିରେ ନରେନ୍ଦ୍ର ମୋଦି ମୁଁ ଚୌକିଦାର ଭଳି ଦେଶର ସେବା କରିବି ବୋଲି କହିଥିଲେ । କିନ୍ତୁ ରାଫେଲ ଡିଲ୍‌ରେ ପ୍ରଧାନମନ୍ତ୍ରୀଙ୍କ ଉପରେ କୋଟି କୋଟି ଟଙ୍କାର ଘୋଟାଲାର ଅଭିଯୋଗ ଲାଗିବା ପରେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି ‘ଚୌକିଦାର ଚୋର୍‌ ହେ’ କହି ମୋଦିଙ୍କୁ ସମାଲୋଚିତ କରିଥିଲେ । ଯାହା ପରେ ପରେ ଟୁଇଟ୍‌ରରେ ନରେନ୍ଦ୍ର ମୋଦି ନିଜ ନାଁ ଆଗରେ ଚୌକିଦାର ଲେଖି ଦେଇଥିଲେ ।

ସମ୍ବନ୍ଧିତ ଖବର

Leave A Reply

Your email address will not be published.