ଦିଲ୍ଲୀରେ ପିଆଜ ଦର କମ କରିବେ ଅରବିନ୍ଦ କେଜ୍ରିଓ୍ଵାଲ, କିଲୋପିଛା ଏତିକି ଟଙ୍କା ଦେଇ ପିଆଜ କିଣିବେ ଲୋକେ
ନୂଆଦିଲ୍ଲୀ : ସମଗ୍ର ଦେଶରେ ପୁଣି ଥରେ ବୃଦ୍ଧି ପାଇଛି ପିଆଜ ଦର । ବିଗତ ୪ବର୍ଷ ମଧ୍ୟରେ ଏହି ଦର ସବୁଠୁ ଅଧିକ ବୋଲି ଜଣା ପଡ଼ିଥିବା ବେଳେ ଦର ବୃଦ୍ଧିକୁ ନେଇ ଲୋକେ ଚିନ୍ତାରେ ପଡ଼ିଲେଣି । ତେବେ ଲୋକଙ୍କ ସମସ୍ୟାକୁ ଆଖି ଆଗରେ ରଖି ଏବେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲ ସମାଧାନର ବାଟ ଖୋଜିଛନ୍ତି । ଖୁବ୍ ଶୀଘ୍ର ଦିଲ୍ଲୀବାସୀ କମ ଦାମ୍ରେ ପିଆଜ ପାଇ ପାରିବେ ବୋଲି କହିଛନ୍ତି କେଜ୍ରିଓ୍ଵାଲ । ସରକାର ଏବେ ପିଆଜ କିଣୁଥିବା ବେଳେ ୧୦ଦିନ ମଧ୍ୟରେ ଏହାର ବିକ୍ରି ଆରମ୍ଭ ହେବ । ୧୦ଦିନ ମଧ୍ୟରେ ଲୋକେ କିଲୋ ପିଛା ୨୪ଟଙ୍କା ଦେଇ ପିଆଜ କିଣି ପାରିବେ । ମୋବାଇଲ୍ ଭ୍ୟାନ୍ ଦ୍ୱାରା ସରକାର ପିଆଜର ବିକ୍ରି ଆରମ୍ଭ କରିବେ ବୋଲି ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ପିଆଜର ଦରବୃଦ୍ଧିକୁ ନେଇ କେଜ୍ରିଓ୍ଵାଲଙ୍କୁ ପ୍ରଶ୍ନ କରାଯିବା ପରେ, ପିଆଜ ଦରକୁ ନେଇ ଦିଲ୍ଲୀ ସରକାର ବଡ଼ ପଦକ୍ଷେପ ନେବାକୁ ଯାଉଛି, ଯେମିତି ୨-୩ବର୍ଷ ତଳେ ଆମେ କରିଥିଲୁ । ୨୪ଟଙ୍କାରେ ବିଭିନ୍ନ ଦୋକାନ ଏବଂ ମୋବାଇଲ୍ ଭ୍ୟାନ୍ ମାଧ୍ୟମରେ ଲୋକଙ୍କୁ ପିଆଜ ଯୋଗାଇବା ପାଇଁ ଆମେ ଚେଷ୍ଟା କରୁଛୁ । ୧୦ଦିନ ମଧ୍ୟରେ ଲୋକେ ଏହି ସମସ୍ୟାରୁ ମୁକୁଳିବେ ବୋଲି କହିଥିଲେ କେଜ୍ରିଓ୍ଵାଲ ।