ଯେ କୌଣସି ଦିନ ପ୍ରକାଶ ପାଇପାରେ ରାମ ଜନ୍ମଭୂମି- ବାବ୍ରୀ ମସଜିଦ୍ ମାମଲାର ରାୟ; ସମସ୍ତ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର ସରକାରଙ୍କ ନିକଟକୁ ‘ଆଡ୍ଭାଇଜରି’ ପଠାଇଲା ସ୍ବରାଷ୍ଟ୍ର ମନ୍ତ୍ରାଳୟ
ନୂଆଦିଲ୍ଲୀ: ସୁପ୍ରିମ୍ କୋର୍ଟଙ୍କ ପକ୍ଷରୁ ବିବାଦୀୟ ଅଯୋଧ୍ୟା ରାମ ଜନ୍ମଭୂମି- ବାବ୍ରୀ ମସଜିଦ୍ ମାମଲାର ରାୟ ଆସନ୍ତା ୧୭ ତାରିଖ ପୂର୍ବରୁ ଯେ େକୗଣସି ଦିନ ପ୍ରକାଶ ପାଇବ। ଏ ମାମଲା ଏକ ଅତ୍ୟନ୍ତ ସମ୍ବେଦନଶୀଳ ଓ ସ୍ପର୍ଶକାତର ମାମଲା। ଅନ୍ୟପକ୍ଷରେ ଏହି ମାମଲାରେ ସୁପ୍ରିମ୍ କୋର୍ଟଙ୍କ ରାୟ ଉପରେ ସମଗ୍ର ବିଶ୍ବର ନଜର ମଧ୍ୟ ରହିଛି। ଏ ପରିସ୍ଥିତିରେ ରାମ ଜନ୍ମଭୂମି- ବାବ୍ରୀ ମସଜିଦ୍ ମାମଲାରେ ସୁପ୍ରିମ୍ କୋର୍ଟଙ୍କ ରାୟ ପ୍ରକାଶନକୁ ଦୃଷ୍ଟିରେ ରଖି ଆଜି କେନ୍ଦ୍ର ସରକାରଙ୍କ ସ୍ବରାଷ୍ଟ୍ର ମନ୍ତ୍ରାଳୟ ପକ୍ଷରୁ ଦେଶର ସମସ୍ତ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳର ସରକାରମାନଙ୍କ ନିକଟକୁ ଏକ ପ୍ରସ୍ତାବନା ‘ଆଡ୍ଭାଇଜରି’ ପଠାଯାଇଛି। ଏହି ‘ଆଡ୍ଭାଇଜରି’ରେ ମାମଲାର ଗୁରୁତ୍ବକୁ ଦୃଷ୍ଟିରେ ରଖି ଏ ବ୍ୟାପାରରେ ମାତ୍ରାଧିକ ସତର୍କତା ଅବଲମ୍ନନ କରିବା ସହ ଆଇନ୍ ଶୃଙ୍ଖଳା ପରିସ୍ଥିତି ଉପରେ ତୀକ୍ଷ୍ଣ ନଜର ରଖିବା ସହ ନିୟନ୍ତ୍ରଣରେ ରଖିବା ପାଇଁ ସମସ୍ତ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳର ସରକାରମାନଙ୍କ କେନ୍ଦ୍ର ସରକାରଙ୍କ ସ୍ବରାଷ୍ଟ୍ର ମନ୍ତ୍ରାଳୟ ପରାମର୍ଶ ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ସେହିପରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଧ୍ୟ ତାଙ୍କ ମନ୍ତ୍ରିମଣ୍ଡଳର ସମସ୍ତ ସହଯୋଗୀ ମନ୍ତ୍ରୀ ଓ ଦଳୀୟ ସାଂସଦମାନଙ୍କୁ ସୁପ୍ରିମ୍ କୋର୍ଟଙ୍କ ରାୟ କୌଣସି ପ୍ରକାରର ଟିକ୍କାଟିପ୍ପଣୀ ନଦେଇ ଶାନ୍ତି ଓ ସଦଭାବ ବଜାୟ ରଖିବାକୁ ପରାମର୍ଶ ଦେଇଛନ୍ତି। ସେହିପରି ବିଜେପି ଓ ରାଷ୍ଟ୍ରୀୟ ସ୍ବୟଂ ସେବକ ସଂଘ ନିଜ ନିଜର ନେତା ଓ କର୍ମୀମାନଙ୍କୁ ସୁପ୍ରିମ୍ କୋର୍ଟଙ୍କ ରାୟ କୌଣସି ପ୍ରକାରର ଟିକ୍କାଟିପ୍ପଣୀ ନଦେଇ ଶାନ୍ତି ଓ ସଦଭାବ ବଜାୟ ରଖିବାକୁ ପରାମର୍ଶ ଦେଇଛି।