ଟ୍ରାଫିକ୍ରେ ଚେକିଂ ଚାଲୁଥିବା ଦେଖି ଗାଡ଼ିର ଗତି ବଢ଼ାଇଦେଲେ ବାଇକ୍ ଚାଳକ, ତା’ପରର ଘଟଣା ଦେଖି ସ୍ତବ୍ଧ ହୋଇଗଲେ ଉପସ୍ଥିତ ଲୋକେ
ମୁମ୍ବାଇ: ଆପଣମାନେ ଟ୍ରଫିକ୍ ସିଗ୍ନାଲ ନେଇ ଯିବା ଆସିବା କରିଥିବେ ନିଶ୍ଚୟ । କିଛି ଲୋକ ଆଇନ ଭଙ୍ଗ କରି ଟ୍ରାଫିକ୍ ସିଗ୍ନାଲ କିଭଳି ଭାବରେ ଭାଙ୍ଗିଥାନ୍ତି, ତାହା ବି ଆପଣମାନେ ଦେଖିଥିବେ । ହେଲ୍ମେଟ୍ ନ ପିନ୍ଧିଥିବା ବେଳେ ଚେକିଂ ଚାଲୁଥିବା ଦେଖି କିଛି ଲୋକ ଗାଡ଼ିର ଗତି ବଢ଼ାଇ ଦେଉଥିବା ବେଳେ କିଛି ଲୋକ ବିଭିନ୍ନ ଗଳି ଦେଇ ଚାଲି ଯାଇଥାନ୍ତି । ତେବେ ମୁମ୍ବାଇରେ ଜଣେ ଯୁବକଙ୍କୁ ଟ୍ରାଫିକ୍ ସିଗ୍ନାଲରେ ଦ୍ରୁତ ଗତିରେ ଗାଡ଼ି ଚଳାଇବା ମହଙ୍ଗା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ମୁମ୍ବାଇର ଏକ ଟ୍ରାଫିକ୍ ସିଗ୍ନାଲରେ ଚେକିଂ ହେଉଥିବା ଦେଖି ହେଲ୍ମେଟ ପିନ୍ଧି ନଥିବା ଜଣେ ଯୁବକ ଡ଼ରରେ ସ୍କୁଟିର ଗତି ବଢ଼ାଇ ଦେଇଥିଲେ । ଚେକିଂ କରୁଥିବା ପୁଲିସକର୍ମୀ ଚାଳକକୁ ରୋକିବା ପାଇଁ ରାସ୍ତା ମଝିକୁ ଚାଲି ଆସିବାରୁ ସ୍କୁଟି ସହ ଧକା ଖାଇ ଦୁହେଁ ଛିଟିକି ପଡ଼ିଥିଲେ । ଏହି ଘଟଣା ପରେ ଦୁହେଁ ଆହତ ହୋଇଥିବା ବେଳେ ସେମାନଙ୍କୁ ଏବେ ଚିକିତ୍ସା କରାଯାଉଛି । ଚିକିତ୍ସିତ ହୋଇ ସୁସ୍ଥ ହେବା ପରେ ଚାଳକକୁ ଗିରଫ କରାଯିବ ବୋଲି ଜଣା ପଡ଼ିଛି ।