ଭୁଲ ଚାଲାଣ କାଟି ଥିବାରୁ ଫଟୋ ଟୁଇଟ୍ କରି ଟ୍ରାଫିକ ପୁଲିସକୁ ଟ୍ରୋଲ କଲେ ଯୁବକ, ମିଳିଲା ମୁହଁ ବନ୍ଦ କଲା ଭଳି ଜବାବ
ନୂଆଦିଲ୍ଲୀ : ତେଲେଙ୍ଗାନା ଟ୍ରାଫିକ ପୁଲିସ ଜଣେ ବାଇକ୍ ଆରୋହୀଙ୍କୁ ଦେଇଥିବା ଚାଲାଣକୁ ନେଇ ଟୁଇଟ୍ରରେ ଟ୍ରୋଲିଂର ଶିକାର ହୋଇଥିଲେ । କିନ୍ତୁ ପରେ ଚତୁରତାର ସହ ଟୁଇଟ୍ର ଜବାବ ଦେଇ ଟ୍ରୋଲର୍ସମାନଙ୍କୁ ଉଚିତ ଜବାବ ଦେବାରେ ସଫଳ ହୋଇଥିଲେ ତେଲେଙ୍ଗାନା ଟ୍ରାଫିକ ପୁଲିସ ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଗାଡ଼ିରେ ଦୁଇଜଣ ଯାଉଥିବା ବେଳେ ଭୁଲବଶତଃ ୩ଜଣ ଯାଉଥିବା ଲେଖି ଚାଲାଣ କାଟିଥିଲେ ଟ୍ରାଫିକ ପୁଲିସ । ସିସିଟିଭି କ୍ୟାମେରାରେ ଆସିଥିବା ଫଟୋକୁ ଦେଖି ଚାଲାଣ କଟା ଯାଇଥିଲା । ଫଟୋରେ ଦୁଇଜଣ ବସିଥିବା ବାଇକ୍ ଆଗରେ ଆଉ ଜଣେ ବ୍ୟକ୍ତି ବାଇକ୍ ଧରି ଠିଆ ହୋଇଥିଲେ । ଯାହାକୁ ଭୁଲରେ ଟ୍ରାଫିକ ପୁଲିସ ୩ଜଣ ବସିଥିବା ବୋଲି ଭାବି ଚାଲାଣ କାଟି ଦେଇଥିଲେ ।
Sir we were only two members riding on the bike.But police has issued me challan for triple riding.look closely sir we were only two.@HYDTP @CYBTRAFFIC pic.twitter.com/Wq3DMBBCzw
— Mohammad Mubeen (@The_Mubeens) June 26, 2019
ଯାହା ପରେ ଚାଲାଣ ମିଳିଥିବା ଯୁବକ ଫଟୋକୁ ଟୁଇଟ୍ କରି ଟ୍ରାଫିକ ପୁଲିସଙ୍କୁ ଟ୍ରୋଲ କରିଥିଲେ । ଟୁଇଟ୍ରେ, ଆମେ ବାଇକ୍ରେ ଦୁଇ ଜଣ ଥିଲୁ, ସାର୍ । କିନ୍ତୁ ପୁଲିସ ୩ଜଣ ବସିଥିବା କହି ଆମର ଚାଲାଣ କାଟିଛନ୍ତି ବୋଲି ଲେଖିଥିଲେ । ଏଭଳି ଟୁଇଟ୍ ଆସିବାର କିଛି ସମୟ ପରେ ଟ୍ରାଫିକ ପୁଲିସ ରି-ଟୁଇଟ୍ କରି, ଆମେ ଆମ ଭୁଲ ସ୍ୱୀକାର କରି ନେଉଛୁ । ଟ୍ରିପଲ ରାଇଡିଂ ବଦଳରେ ହେଲ୍ମେଟ ନ ପିନ୍ଧିଥିବାରୁ ଚାଲାଣ କାଟୁଛୁ ବୋଲି ଲେଖିଥିଲେ । ଟ୍ରାଫିକ ପୁଲିସଙ୍କ ଏଭଳି ଜବାବକୁ ଟୁଇଟ୍ର ପ୍ରଶଂସା କରାଯାଉଥିବା ଦେଖା ଯାଇଛି ।
Sir we were only two members riding on the bike.But police has issued me challan for triple riding.look closely sir we were only two.@HYDTP @CYBTRAFFIC pic.twitter.com/Wq3DMBBCzw
— Mohammad Mubeen (@The_Mubeens) June 26, 2019