ଜିତିବାର ବିଶ୍ୱାସ ଥାଇ ମଧ୍ୟ ଏହି କାରଣ ପାଇଁ ଫଳାଫଳ ପୂର୍ବରୁ ଡ଼ରି ଯାଇଥିଲେ ହେମା ମାଳିନୀ
ନୂଆଦିଲ୍ଲୀ : ୨୦୧୯ ଲୋକସଭା ନିର୍ବାଚନରେ ୫୪୨ଆସନରୁ ୩୦୩ ଆସନ ଅକ୍ତିଆର କରିଛି ବିଜେପି । ତେବେ ବିପୁଳ ଭୋଟରେ ବିଜେପି ପ୍ରାର୍ଥୀମାନେ ସାରା ଦେଶରେ ବିଜୟ ହାସଲ କରିଥିବା ବେଳେ ସାଂସଦ ହେମା ମାଳିନୀ ନିଜ ମନର ଡ଼ର ବିଷୟରେ ଜଣାଇଛନ୍ତି । ଜିତିବାର ବିଶ୍ୱାସ ଥାଇ ମଧ୍ୟ ଫଳାଫଳ ଆସିବା ପୂର୍ବରୁ ଡ଼ରି ଯାଇଥିଲେ ବୋଲି କହିଛନ୍ତି ହେମା ।
Sambad is now on WhatsApp
Join and get latest news updates delivered to you via WhatsApp
ତାଙ୍କ କହିବା ଅନୁଯାୟୀ, ଜିତିବାର ବିଶ୍ୱାସ ଥିଲା, କିନ୍ତୁ ଜନତା ବିପୁଳ ଭୋଟ ଦେଇ ମୋତେ ଜିତାଇବେ ବୋଲି ମୁଁ କେବେ ବି ଆଶା କରି ନଥିଲି । ଗଠବନ୍ଧନ ପାଇଁ ସମସ୍ତେ ଏ ନିର୍ବାଚନରେ ଜିତିବା କଷ୍ଟ ବୋଲି କହିବା ଆରମ୍ଭ କରିଥିଲେ । ଯାହା ପାଇଁ ମୋ ମନରେ ଡ଼ର ରହିଥିଲା । କିନ୍ତୁ ଏତେ ସଂଖ୍ୟାରେ ଭୋଟ ପାଇ ବିଜୟ ଲାଭ କରିବା ପରେ ମୋର ବିଶ୍ୱାସ ଆହୁରି ମଜବୁତ ହୋଇଛି । ମଥୁରାର ଲୋକମାନେ ମୋ ଉପରେ ପୁଣି ଥରେ ବିଶ୍ୱାସ କରି ସାଂସଦ ବାଛିଛନ୍ତି । ସେମାନଙ୍କ ଆଶା ପୂରଣ କରିବା ମୋର ଦାୟିତ୍ୱ ବୋଲି କହିଛନ୍ତି ହେମା । ୨୦୧୯ ଲୋକସଭା ନିର୍ବାଚନରେ ସେ ୨୯୩୪୭୧ ଭୋଟ ପାଇଁ ବିଜୟ ହାସଲ କରିଥିବା ଜଣା ପଡ଼ିଛି ।