ମୁମ୍ବାଇ: ମୁମ୍ବାଇର କଲ୍ୟାଣ- ମହାନଗର ପାଳିକା ପରିବହନ ସମିତି ସଦସ୍ୟ ପଦ ପାଇଁ ଅନୁଷ୍ଠିତ ନିର୍ବାଚନରେ ଭାରତୀୟ ଜନତା ପାର୍ଟିର ସଦସ୍ୟ ନିର୍ଣ୍ଣାୟକ ଭୋଟ୍ରେ ବିଜୟ ହାସଲ କରିଥିବା ଜଣାଯାଇଛି। ଏହି ନିର୍ବାଚନରେ ଭାରତୀୟ ଜନତା ପାର୍ଟି ଓ ଶିବସେନା ୩ଟି ଲେଖାଏଁ ଆସନ ଜିତିଛନ୍ତି। ଏଥିରେ ଏମଏନ୍ଏସର ପ୍ରାର୍ଥୀମାନଙ୍କୁ ପରାଜୟର ସାମ୍ନା କରିବାକୁ ପଡ଼ିଛି।
Sambad is now on WhatsApp
Join and get latest news updates delivered to you via WhatsApp
ଚାରିଦିନ ପୂର୍ବେ ଏହି ନିର୍ବାଚନ ପାଇଁ ନାମାଙ୍କନ ପତ୍ର ଦାଖଲ ହୋଇଥିଲା। ଏଥିରେ ଭାଜପା-ଶିବସେନାର ସମସ୍ତ ସଦସ୍ୟ ମତଦାନ କରିଥିଲେ। ଏହାଫଳରେ ଶିବସେନାର ତିନିଜଣ ସଦସ୍ୟ ଜୟଲାଭ କରିଥିଲେ। କିନ୍ତୁ ଭାଜପାର ଦୁଇଜଣ ସଦସ୍ୟ ଜିତିଥିଲେ। ତୃତୀୟ ସଦସ୍ୟ ଓ ଏମ୍ଏନ୍ଏସର ପ୍ରାର୍ଥୀଙ୍କୁ ସମାନ ଭୋଟ୍ ମିଳିଥିଲା। ଏଭଳି ପରିସ୍ଥିତିରେ ବିଏମ୍ସିର ମହାନଗରପାଳଙ୍କ ମତ ନିର୍ଣ୍ଣାୟକ ଥିଲା। ମହାନଗରପାଳ ନିଜର ଭୋଟ୍ ଭାଜପା ପ୍ରାର୍ଥୀଙ୍କୁ ଦେଇଥିଲେ। ଏହାଫଳରେ ଭାଜପା ପ୍ରାର୍ଥୀ ବିଜୟୀ ଘୋଷିତ ହୋଇଥିଲେ ଓ ଏମଏନଏସର ସଦସ୍ୟାଙ୍କୁ ପରାଜୟ ବରଣ କରିବାକୁ ପଡିଛି।