ନୃତ୍ୟଶିଳ୍ପୀ ସପ୍ନା ଚୌଧୁରୀଙ୍କ ସହ ସୋନିଆ ଗାନ୍ଧୀଙ୍କୁ ତୁଳନା କରି ବିବାଦରେ ବିଜେପି ବିଧାୟକ, କହିଲେ; ଦୁହେଁ ଗୋଟେ ପେଶାରୁ ନିଜ କାମ ଆରମ୍ଭ କରିଥିଲେ
ନୂଆଦିଲ୍ଲୀ : ନିଜର ବୟାନବାଜି ପାଇଁ ସବୁ ବେଳେ ବିବାଦରେ ରହିଥାନ୍ତି ବାଲିଆରୁ ବିଜେପି ବିଧାୟକ ଥିବା ସୁରେନ୍ଦ୍ର ସିଂହ । ସବୁ ଥର ଭଳି ଏଥର ମଧ୍ୟ ସେ ନିଜ ବୟାନକୁ ନେଇ ବିବାଦରେ ଛନ୍ଦି ହୋଇଛନ୍ତି । କଂଗ୍ରେସର ପୂର୍ବତନ ଅଧ୍ୟକ୍ଷା ସୋନିଆ ଗାନ୍ଧୀଙ୍କୁ ନେଇ ସେ ଯେଉଁ ଟିପ୍ପଣୀ ଦେଇଛନ୍ତି, ତାହା ତାଙ୍କୁ ବିବାଦ ମଧ୍ୟକୁ ଟାଣି ଆଣିଛି । ସେ ହରିୟାଣାର କଣ୍ଠଶିଳ୍ପୀ ତଥା ନୃତ୍ୟୁଶିଳ୍ପୀ ସପ୍ନା ଚୌଧୁରୀଙ୍କ ସହ ଲୋକସଭାର ସଦସ୍ୟ ସୋନିଆ ଗାନ୍ଧୀଙ୍କୁ ତୁଳନା କରିଥିବା ଦେଖା ଯାଇଛି । ଦୁହେଁ ସମାନ ପେଶାରୁ କାମ ଆରମ୍ଭ କରିଥିଲେ ବୋଲି କହିବା ସହ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ସପ୍ନାଙ୍କୁ ବିବାହ କରିନେବା ଦରକାର ବୋଲି କହିଥିଲେ । ତାଙ୍କର ଏଭଳି ବୟାନ ଏବେ ସମସ୍ତଙ୍କୁ ଆଶ୍ଚର୍ଯ୍ୟ କରିବା ସହ ଚର୍ଚ୍ଚାର ବିଷୟ ପାଲଟିଛି । ସୁରେନ୍ଦ୍ର ସିଂହ ଏଭଳି ବୟାନ ଦେଉଥିବାର ଏକ ଭିଡିଓ ମଧ୍ୟ ସୋସିଆଲ ମିଡିଆରେ ଭାଇରାଲ ହୋଇଛି ।
Sambad is now on WhatsApp
Join and get latest news updates delivered to you via WhatsApp
#WATCH BJP MLA Surendra Singh on dancer Sapna Chaudhary joins Congress: Rahul ji ki Mata ji bhi Italy mein isi peshe se thi.Jaise aapke pitaji ne Sonia ji ko apna bana liya tha, aap bhi Sapna ko apna banaye.Sabse acchi baat hai saas aur bahu ek hi peshe aur culture se rahengi pic.twitter.com/HK5XCWcuL6
— ANI UP (@ANINewsUP) March 24, 2019
ଯେଉଁଥିରେ, ଏହା ବହୁତ ଭଲ କଥା । ରାହୁଲ ଗାନ୍ଧୀଜୀ ନିଜ ପରିବାରର ପରମ୍ପରାକୁ ଆଗକୁ ନେଉଛନ୍ତି । ଇଟାଲୀରେ ତାଙ୍କ ମା’ ଯେଉଁ ପେଶାରେ ଥିଲେ, ଆଜି ସେ ସେହି ପେଶାରେ ଥିବା ନୃତ୍ୟୁଶିଳ୍ପୀ ସପ୍ନାଙ୍କୁ ଆପଣାଇଛନ୍ତି । ମୁଁ ତ ରାହୁଲଙ୍କ ଧନ୍ୟବାଦ ଜଣାଇବି । ଯେଉଁଭଳି ଭାବରେ ତୁମ ବାପା ରାଜୀବ ଗାନ୍ଧୀ ତୁମ ମା’ଙ୍କୁ ଆପଣାଇଥିଲେ, ଆପଣ ମଧ୍ୟ ସପ୍ନାଙ୍କୁ ଆପଣାଇ ଭାରତ ରାଜନୀତିରେ ନୂଆ ଆଲୋକ ଆଣିଛନ୍ତି ବୋଲି କହିଥିଲେ ସୁରେନ୍ଦ୍ର ସିଂହ । ତାଙ୍କର ଏହି ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ଅନ୍ୟ ପକ୍ଷରେ, ଶନିବାର କଂଗ୍ରେସରେ ଯୋଗ ଦେବା ନେଇ ଯେଉଁ ଫଟୋ ଏବଂ ଖବର ପ୍ରସାର ହୋଇଥିଲା, ତା’କୁ ମିଛ ବୋଲି କହିଛନ୍ତି ସପ୍ନା । ମୋର କଂଗ୍ରେସରେ ଯୋଗ ଦେବାର କୌଣସି ଇଚ୍ଛା ନାହିଁ । ଏହା ସହ ଯେଉଁ ସବୁ ଫଟୋ ଭାଇରାଲ ହେଉଛି, ସେ ସବୁ ପୁରୁଣା ଫଟୋ । ଶନିବାର ମୁଁ କଂଗ୍ରେସରେ ଯୋଗ ଦେବା ନେଇ ଯେଉଁ ଖବର ପ୍ରସାର ହୋଇଥିଲା, ତାହା ସଂପୁର୍ଣ୍ଣ ମିଛ ବୋଲି ରବିବାର ସ୍ପଷ୍ଟ କରିଛନ୍ତି ସପ୍ନା ।