ପ୍ରିୟଙ୍କାଙ୍କ ପ୍ରବେଶ ପରେ ବିଜେପିର ଟିପ୍ପଣୀ : କଂଗ୍ରେସ ଘୋଷଣା କରିଦେଲା କି ରାହୁଲ ଗାନ୍ଧି ଫେଲ୍
ନୂଆଦିଲ୍ଲୀ : ପ୍ରିୟଙ୍କା ଗାନ୍ଧୀ ସକ୍ରିୟ ରାଜନୀତିରେ ପ୍ରବେଶ କରିବା ନେଇ ବିଜେପି ପ୍ରତିକ୍ରିୟା ରଖିଛି । ବୁଧବାର ଦିନ ପ୍ରିୟଙ୍କା ଗାନ୍ଧି ଭଦ୍ରାଙ୍କୁ କଂଗ୍ରେସ ପାର୍ଟି ପକ୍ଷରୁ ପୂର୍ବ ଉତ୍ତରପ୍ରଦେଶର ସାଧାରଣ ସଂପାଦକ ଭାବରେ ନିଯୁକ୍ତି ଦିଆଯିବା ପରେ କେନ୍ଦ୍ରମନ୍ତ୍ରୀ ସ୍ମୃତି ଇରାନୀ ରାହୁଲଙ୍କୁ ସମାଲୋଚନା କରିଛନ୍ତି । ସେ କହିଛନ୍ତି, ପ୍ରିୟଙ୍କାଙ୍କ ରାଜନୀତିରେ ପ୍ରବେଶ ରାହୁଲଙ୍କ ଅଯୋଗ୍ୟତାର ପ୍ରମାଣ ଦେଉଛି । ଆଜି କଂଗ୍ରେସ ରାହୁଲ ଗାନ୍ଧି ରାଜନୀତି କରିବାରେ ଅସଫଳ ବୋଲି ଘୋଷଣା କରିଛି ।
Sambad is now on WhatsApp
Join and get latest news updates delivered to you via WhatsApp
ଅନ୍ୟ ପକ୍ଷରେ ବିଜେପି ତରଫରୁ ଔପଚାରିକ ପ୍ରତିକ୍ରିୟା ଦେଇ ପ୍ରବକ୍ତା ସମ୍ବିତ୍ ପାତ୍ର କହିଛନ୍ତି, ଆଜି ପରିବାରରେ ରାଜ୍ୟାଭିଷେକ ହୋଇଛି । ଆମେ କଂଗ୍ରେସକୁ ଶୁଭେଚ୍ଛା ଜଣାଉଛୁ । ଶେଷରେ କଂଗ୍ରେସ ରାହୁଲ ଗାନ୍ଧୀଙ୍କ ଅସଫଳତାକୁ ଘୋଷଣା କରିଛି । ଆଜି ନୂଆ ଭାରତ ଏହି ପ୍ରଶ୍ନ କରୁଛି-ନେହେରୁଜୀ,ଇନ୍ଦିରାଜୀ,ରାଜୀବଜୀ,ସୋନିଆଜୀଙ୍କ ପରେ ରାହୁଲଜୀ, ପ୍ରିୟଙ୍କା ଭଦ୍ରାଜୀ, ଆଗକୁ କିଏ?ବୋଲି କହିଛନ୍ତି ସମ୍ବିତ୍ ପାତ୍ର ।
ସୂଚନା ମୁତାବକ, ପ୍ରିୟଙ୍କା ଗାନ୍ଧୀଙ୍କୁ ପୂର୍ବ ଉତ୍ତର ପ୍ରଦେଶର ସାଧାରଣ ସଂପାଦକ ଭାବରେ ନିଯୁକ୍ତି ଦିଆଯାଇଥିବା ବେଳେ ସେ ଫେବୃଆରି ପ୍ରଥମ ସପ୍ତାହରେ ଦାୟିତ୍ୱ ଗ୍ରହଣ କରିବେ ବୋଲି ଜଣାପଡ଼ିଛି ।