ନୂଆଦିଲ୍ଲୀ: ହଜାର ହଜାର ବର୍ଷ ତଳେ କୁରୁକ୍ଷେତ୍ର ଯୁଦ୍ଧ କ୍ଷମତା ପାଇଁ ହୋଇଥିଲା । କୌରବ ପକ୍ଷ କ୍ଷମତା ପାଇଁ ଲଢୁଥିଲେ । ଆଜିକାଲି ବିଜେପି ଓ ଆରଏସଏସ ହେଉଛନ୍ତି କୌରବଙ୍କ ପରି । ସେମାନଙ୍କ ମୁଖ୍ୟ ଉଦ୍ଦେଶ୍ୟ ହେଉଛି କ୍ଷମତା ଅକ୍ତିଆର କରିବା । କିନ୍ତୁ ପାଣ୍ଡବମାନେ ଧର୍ମ ଓ ସତ୍ୟ ପାଇଁ ଲଢୁଥିଲେ । କଂଗ୍ରେସ ହେଉଛି ପାଣ୍ଡବଙ୍କ ପରି ସତ୍ୟ ଓ ନ୍ୟାୟ ପାଇଁ ଲଢିଆସୁଛି ବୋଲି କହିଛନ୍ତି କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି ।
Sambad is now on WhatsApp
Join and get latest news updates delivered to you via WhatsApp
Centuries ago there was huge battle on the field of Kurukshetra. The Kauravas were powerful&arrogant. The Pandavas were humble&fought for the truth. Like the Kauravas BJP & RSS are designed to fight for power, like the Pandavas,Congress is designed to fight for truth:Rahul Gandhi pic.twitter.com/G0mVlIV192
— ANI (@ANI) March 18, 2018
ଏଠାରେ ଅନୁଷ୍ଠିତ କଂଗ୍ରେସ ଜାତୀୟ ଅଧିବେଶନ ଅବସରରେ ଉଦବୋଧନ ଦେଇ ସେ କହିଛନ୍ତି ଯେ ବିଜେପି ଏବେ କ୍ଷମତା ନିଶାରେ ମସଗୁଲ ହୋଇଯାଇଛି । ବିଜେପି ଅଧ୍ୟକ୍ଷ ଅମିତ ଶାହାଙ୍କ ନାଁ ନ ନେଇ ସେ ତାଙ୍କୁ ଟାର୍ଗେଟ କରିଛନ୍ତି । ସେ କହିଛନ୍ତି ଯେ ବିଜେପି ଜଣେ ନରହତ୍ୟା ଅଭିଯୁକ୍ତଙ୍କୁ ନିଜର ଅଧ୍ୟକ୍ଷ ଗାଦିରେ ବସାଇଛି । କିନ୍ତୁ କଂଗ୍ରେସରେ ଏପରି ଜଣେ ଲୋକ ସଭାପତି ଆସନରେ ବସିବା ଲୋକମାନେ କେବେ ମଧ୍ୟ ସହ୍ୟ କରିପାରିବେ ନାହିଁ । ବିଜେପି ଗୋଟିଏ ସଂଗଠନର ସ୍ୱର, କିନ୍ତୁ କଂଗ୍ରେସ ସାରା ଦେଶର ସ୍ୱର ବୋଲି ସେ କହିଛନ୍ତି ।
ଅନ୍ୟପକ୍ଷରେ ପ୍ରଧାନମନ୍ତ୍ରୀ ମୋଦିଙ୍କୁ ମଧ୍ୟ ସମାଲୋଚନା କରିବାକୁ ଭୁଲିନାହାନ୍ତି । ସେ କହିଛନ୍ତି ଯେ ମୋଦି ଶବ୍ଦଟି କ୍ରୋନି କ୍ୟାପିଟାଲିଜିମ ବା ସରକାର-ପୁଞ୍ଜିପତି ଅସାଧୁ ମେଣ୍ଟର ଏକ ସଂକେତ । ଭାରତର ଲୋକମାନେ ମୋଦି ମାୟାରେ ରହିବାକୁ ବାଧ୍ୟ ହେଉଛନ୍ତି । ଏହି ମାୟା ହେଉଛି ଅଚ୍ଛେ ଦିନ, ଆକାଉଣ୍ଟରେ ୧୫ ଲକ୍ଷ, ସ୍ୱଚ୍ଛ ଭାରତ ଇତ୍ୟାଦି । ଆମ ଦେଶ ଦ୍ରୁତ ଆର୍ଥିକ ଅଭିବୃଦ୍ଧି ହାସଲ କରୁଥିଲେ ମଧ୍ୟ ଯୁବକମାନେ ବେକାର ଅଛନ୍ତି ।