ସୂର୍ଯ୍ୟଠାରୁ ହଜାରେ ଗୁଣ ବଡ ତାରାରେ ହୋଇପାରେ ବିସ୍ଫୋରଣ, ଦିନରେ ବି ଦେଖିପାରିବେ ଏହି ଦୃଶ୍ୟ
ନୂଆଦିଲ୍ଲୀ: ସୂର୍ଯ୍ୟଠାରୁ ହଜାରେ ଗୁଣ ବଡ ତାରାର ଚମକ ଧୀରେ ଧୀରେ କମିବାରେ ଲାଗିଛି | ସୂର୍ଯ୍ୟ ଭଳି ଆକାଶଗଙ୍ଗା ଛାୟାପଥର ସବୁଠାରୁ ଉଜ୍ଜଳ ତାରକା ଭାବେ ପରିଚିତ ବିଟଲଗୟୁଜ ତାରାର ଚମକ କମିବାରେ ଲାଗିଛି | ମହାକାଶବିଜ୍ଞାନୀ ମାନେ ଅନୁମାନ କରୁଛନ୍ତି କି ଏହି ତାରା ଏବେ ପ୍ରି-ସୁପରନୋଭା ଚରଣରେ ଆସି ପହଁଚିଯାଇଛି | ସୁପରନୋଭା ହେଉଛି ଏମିତି ଏକ ଚରଣ ଯେଉଁଥିରେ ତାରାରେ ବିସ୍ଫୋରଣ ହୋଇଥାଏ |
Sambad is now on WhatsApp
Join and get latest news updates delivered to you via WhatsApp
ମହାକାଶବିଜ୍ଞାନୀମାନେ କହିଛନ୍ତି ଯେ ବିସ୍ଫୋରଣ ପରେ ସେହି ତାରାର ବିଲୟ ଘଟିଥାଏ | କିଛି ମାସ ଧରି ଏହି ତାରାର ଚମକ ଏତେ ମାତ୍ରାରେ କମିବାରେ ଲାଗିଛି ଯେ ଚମକ ତାରାର ତାଲିକାରେ ଏହା ୨୦ ତମ ସ୍ଥାନକୁ ଖସି ଆସିଛି | ପୂର୍ବରୁ ୧୨ ତମ ସ୍ଥାନରେ ଏହି ତାରାଟି ଥିଲା | ବିଟଲଗୟୁଜ ତାରା ପୃଥିବୀ ପୃଷ୍ଠରୁ ୬୪୨ ଆଲୋକ ବର୍ଷ ଦୂରତାରେ ଥିବାରୁ ଏଥିରେ ବିସ୍ଫୋରଣ ହେଲେ ପୃଥିବୀ ପୃଷ୍ଠରୁ ମଧ୍ୟ ଦେଖାଯିବ | ଅର୍ଥାତ ପ୍ରଥମ କରି ତାରା ବିସ୍ଫୋରଣକୁ ପୃଥିବୀ ପୃଷ୍ଠରୁ ମଧ୍ୟ ଦେଖି ହେବ |
Down here on Earth, we’re going to see a very bright light in the sky. It could even be visible during the day, and bright enough to rival a full moon at night. The event will be breathtaking to behold, but #Betelgeuse will be wrapping up its farewell tour. It’s been a pleasure. pic.twitter.com/wffL9OMOzP
— 。.:*・☆・Jen .:*・☆・゜ (@Aero_Jenna) February 8, 2020
ଏହାକୁ ନେଇ ବିଲନୋବା ବିଶ୍ୱବିଦ୍ୟାଳୟର ଅନୁସନ୍ଧାନକାରୀ ଦଳ କହିଛନ୍ତି ଯେ ବିଟଲଗୟୁଜ ଆଗାମୀ ୪୩୦ ଦିନ ମଧ୍ୟରେ ନିଜର ସମ୍ପୂର୍ଣ୍ଣ ଚମକ ହରାଇପାରେ | ବଡ କଥା ଯେ ଏହି ତାରା ସୂର୍ଯ୍ୟଠାରୁ ୧ ହଜାର ଗୁଣ ବଡ ହୋଇଥିବାରୁ ଏଥିରେ ବିସ୍ଫୋରଣ ହେଲେ ଦିନରେ ମଧ୍ୟ ଦେଖିହେବ |