ଋଷିଆରେ ନିର୍ମାଣ ଚାଲିଥିବା ଯୁଦ୍ଧ ଜାହଜରେ ଖଞ୍ଜାଯିବ ବ୍ରହ୍ମୋସ କ୍ଷେପଣାସ୍ତ୍ର
୩ ହଜାର କୋଟିର ସାମରିକ କ୍ରୟକୁ ମଞ୍ଜୁରୀ
ନୂଆଦିଲ୍ଲୀ : ଋଷିଆରେ ଭାରତର ଦୁଇଟି ଯୁଦ୍ଧ ଜାହଜ ନିର୍ମାଣ ଚାଲିଛି । ଏହି ଜାହଜରେ ଲାଗିବାକୁ ଥିବା ବ୍ରହ୍ମୋସ କ୍ଷେପଣାସ୍ତ୍ର ଓ ଅନ୍ୟାନ୍ୟ ଅସ୍ତ୍ରଶସ୍ତ୍ର ପାଇଁ କେନ୍ଦ୍ର ସରକାର ଆଜି ପ୍ରାୟ ୩ ହଜାର କୋଟି ଟଙ୍କା ମଂଜୁର କରିଛନ୍ତି । କେନ୍ଦ୍ର ସରକାରଙ୍କ ପ୍ରତିରକ୍ଷା କ୍ରୟ ପରିଷଦ ମଂଜୁରୀ ଦେଇଛି । ଏହା ଛଡା ଭାରତୀୟ ସେନା ପାଇଁ ଆର୍ମରଡ ରିକଭରୀ ଭେହିକ୍ଲ ଏମବିଟି ଅର୍ଜୁନ କ୍ରୟ ପ୍ରସ୍ତାବକୁ ମଧ୍ୟ ପରିଷଦ ମଂଜୁରୀ ଦେଇଛି । ଭାରତର ନୌସେନା ମୁଖ୍ୟ ସୁନୀଲ ଲାମ୍ବା ସୋମବାରଠାରୁ ଋଷିଆଗ୍ରସ୍ତରେ ଯାଉଥିବାବେଳେ ସରକାର ଏହି ନିଷ୍ପତ୍ତି ନେଇଛନ୍ତି । ନୌସେନା ମୁଖ୍ୟଙ୍କ ଋଷିଆଗ୍ରସ୍ତ କାଳରେ ଉଭୟ ପକ୍ଷ ମଧ୍ୟରେ ସାମରିକ ସଂପର୍କକୁ ଆହୁରି ସୁଦୃଢ କରିବା ଉପରେ ଆଲୋଚନା ହେବ ।
Sambad is now on WhatsApp
Join and get latest news updates delivered to you via WhatsApp
ଗତ ଅକ୍ଟୋବର ମାସରେ ଋଷିଆ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ଭାରତ ଗ୍ରସ୍ତକାଳରେ ଦୁଇ ଦେଶ ମଧ୍ୟରେ େକେତେକ ଗୁରୁତ୍ୱପୂର୍ଣ୍ଣ ସମାରିକ କ୍ରୟ ଚୁକ୍ତି ହୋଇଥିଲା । ଭାରତ ୯୫୦ ନିୟୁତ ଡଲାର ବିନିମୟରେ ଋଷିଆଠାରୁ ଦୁଇଟି ନୂଆ ଯୁଦ୍ଧ ଜାହଜ ଖରିଦ ପାଇଁ ଚୁକ୍ତି କରିଛି ।