ସେପ୍ଟେମ୍ବର ୨୩ରେ ୪ ଟି ରାଜ୍ୟରେ ବିଧାନସଭା ଉପନିର୍ବାଚନ
ନୂଆଦିଲ୍ଲୀ: ଉତ୍ତରପ୍ରଦେଶ, ଛତିଶଗଡ଼, ତ୍ରିପୁରା ଓ କେରଳରେ ଖାଲିଥିବା ବିଧାନସଭା ମଣ୍ଡଳୀରେ ଉପନିର୍ବାଚନ ଲାଗି ତାରିଖ ଘୋଷଣା କରିଛି ଭାରତୀୟ ନିର୍ବାଚନ କମିଶନ । ଉତ୍ତରପ୍ରଦେଶର ହମିରପୁର, ଛତିଶଗଡ଼ର ଦାନ୍ତେଓ୍ଵାଡା, କେରଳର ପାଲା ଓ ତ୍ରିପୁରାର ବାଧରଘାଟ ବିଧାନସଭା ନିର୍ବାଚନ ମଣ୍ଡଳୀ ପାଇଁ ସେପ୍ଟେମ୍ବର ୨୩ରେ ଭୋଟ ଗ୍ରହଣ ହେବ ଓ ସେପ୍ଟେମ୍ବର ୨୭ରେ ପଳାଫଳ ଘୋଷଣା ହେବ । ଏହି ଆସନଗୁଡ଼ିକ ମଧ୍ୟରୁ ଛତିଶଗଡ଼ର ଦାନ୍ତଓ୍ଵାଡା ଅନୁସୂଚୀତ ଉପଜାତିର ପ୍ରାର୍ଥୀମାନଙ୍କ ପାଇଁ ସଂରକ୍ଷିତ ହୋଇଥିବାବେଳେ ତ୍ରିପୁରାର ବାଧରଘାଟ ଅନୁସୂଚୀତ ଜାତିର ପ୍ରାର୍ଥୀମାନଙ୍କ ପାଇଁ ସଂରକ୍ଷିତ ରହିଛି ।
Sambad is now on WhatsApp
Join and get latest news updates delivered to you via WhatsApp
ଉତ୍ତରପ୍ରଦେଶର ହମିରପୁର ଆସନରେ ବିଜେପିର କବଜା ଥିବାବେଳେ ବର୍ତ୍ତମାନର ବିଧାୟକ ଅଶୋକ ଚାଣ୍ଡେଲ ଏକ ହତ୍ୟାମାମଲାରେ ଦୋଷୀ ସାବ୍ୟସ୍ତ ହେବା ପରେ ତାଙ୍କ ସଦସ୍ୟତା ରଦ୍ଦ ହୋଇଯାଇଛି । ଏସବୁ ଉପନିର୍ବାଚନ ପାଇଁ ଆସନ୍ତା ବୁଧବାର (ଅଗଷ୍ଟ ୨୮) ବିଜ୍ଞପ୍ତି ଜାରି ହେବ ଓ ମନୋନୟନ ପତ୍ର ଦାଖଲ ଶେଷତାରିଖ ୪ ସେପ୍ଟେମ୍ବର ଧାର୍ଯ୍ୟକରାଯାଇଛି ।