ସିଆଚେନ୍ର ଭୟଙ୍କର ଜଳବାୟୁରେ ଦେଶର ସୁରକ୍ଷା କରୁଥିବା ଯବାନଙ୍କୁ ଉପଯୁକ୍ତ ସୁରକ୍ଷା ଉପକରଣ ଓ ଖାଦ୍ୟ ଦିଆଯାଉନାହିଁ : ସିଏଜି ରିପୋର୍ଟ
ନୂଆଦିଲ୍ଲୀ : ଭାରତର ନେତା, ଅଫିସର ନିଜ ନିଜର ସୁଖସୁବିଧା ପାଇଁ ସବୁବେଳେ ଯତ୍ନବାନ ରହୁଥିବାବେଳେ ଦୁର୍ଗମ ସ୍ଥାନରେ ରହି ଦେଶର ସୁରକ୍ଷା କରୁଥିବା ଯବାନମାନଙ୍କ କଥା ଭୁଲିଯାଉଛନ୍ତି । ସିଆଚେନ ଓ ଲଦାଖରେ ଅତି ପ୍ରତିକୂଳ ଜଳବାୟୁ ମଧ୍ୟରେ ଦେଶର ସୀମାର ସୁରକ୍ଷା କରୁଥିବା ଯବାନମାନଙ୍କ ସର୍ବନିମ୍ନ ସୁରକ୍ଷା ଉପକରଣ ଯୋଗାଇଦେବାକୁ ଅବହେଳା କରାଯାଉଥିବା ସିଏଜି ରିପୋର୍ଟରୁ ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ଭାରତୀୟ ପ୍ରତିରକ୍ଷା ବାହିନୀ ଉପରେ ପ୍ରସ୍ତୁତ ନିଜର ଅଡିଟ୍ ରିପୋର୍ଟରେ ସିଏଜି କହିଛନ୍ତି ଯେ ସିଆଚେନର ପ୍ରବଳ ଥଣ୍ଡାରେ ମୁତୟନ ଥିବା ସେନା ଯବାନମାନଙ୍କ ପାଇଁ ଆବଶ୍ୟକ ସ୍ୱତନ୍ତ୍ର ଜୋତା, ଜ୍ୟାକେଟ୍ ଓ ଚଷମା ଆଦି ଠିକ ଭାବରେ ଯୋଗାଇଦିଆଯାଉନାହିଁ । ଏହା ଦ୍ୱାରା ସେମାନେ ବିପଦର ସମ୍ମୁଖୀନ ହେଉଛନ୍ତି । ଆହୁରି ଦୁର୍ଭାଗ୍ୟଜନକ କଥା ଏହି ରିପୋର୍ଟରେ କୁହାଯାଇଛି । ତାହା ହେଉଛି ଯବାନମାନଙ୍କୁ ଅତିଉଚ୍ଚରେ ଥିବା ଓ ଥଣ୍ଡାଜଳବାୟୁରେ ଶରୀରକୁ ଶକ୍ତିଦେଉଥିବା ଆବଶ୍ୟକ କ୍ୟାଲୋରୀଯୁକ୍ତ ଖାଦ୍ୟ ମଧ୍ୟ ପ୍ରଦାନ କରାଯାଉନାହିଁ ।
ଏହି ରିପୋର୍ଟରେ କୁହାଯାଇଛି ଯେ ଏହି ଜଳବାୟୁ ପାଇଁ ଆବଶ୍ୟକ ଉପକରଣ ଦେଶରେ ନିର୍ମାଣ ହେଉନଥିବାରୁ ସେଗୁଡ଼ିକୁ ବାହାରୁ ଆମଦାନୀ କରାଯାଉଛି ।