ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳ ପାଇଁ କୋଭିଡ୍-୧୯ ଜରୁରୀ ପ୍ୟାକେଜ
ନୂଆଦିଲ୍ଲୀ: ଜାତୀୟ ଏବଂ ରାଜ୍ୟ ସ୍ୱାସ୍ଥ୍ୟ ବ୍ୟବସ୍ଥାକୁ ସୁଦୃଢ଼ କରିବା ଉଦ୍ଦେଶ୍ୟରେ କେନ୍ଦ୍ର ସରକାର “ଇଣ୍ଡିଆ କୋଭିଡ୍-୧୯ ଏମର୍ଜେନସି ରେସପନସ୍ ଏବଂ ହେଲଥ୍ ସିଷ୍ଟମ୍ ପ୍ରିପାର୍ଡନେସ୍ ପ୍ୟାକେଜ୍’କୁ ଅନୁମୋଦନ କରିଛନ୍ତି । ଏହା ଏକ କେନ୍ଦ୍ରୀୟ ପାଣ୍ଠି ପ୍ରକଳ୍ପ ।
Sambad is now on WhatsApp
Join and get latest news updates delivered to you via WhatsApp
ଜାତୀୟ ସ୍ୱାସ୍ଥ୍ୟ ମିସନ୍ ନିର୍ଦେଶକ ବନ୍ଦନା ଗୁରନାନିଙ୍କ ସ୍ୱାକ୍ଷରିତ ଏକ ସର୍କୁଲାରରେ କୁହାଯାଇଛି ଯେ ଜାନୁଆରି ୨୦୨୦ ରୁ ମାର୍ଚ ୨୦୨୪ ଯାଏଁ ତିନୋଟି ପର୍ଯ୍ୟାୟରେ ଶତପ୍ରତିଶତ କେନ୍ଦ୍ରୀୟ ପାଣ୍ଠିର ଏହି ପ୍ରକଳ୍ପ ଲାଗୁ କରାଯିବ ।
କୋଭିଡ୍-୧୯ର ମୁକାବିଲା, ପ୍ରତିରୋଧକ ଓ ପ୍ରସ୍ତୁତିରେ ଜାତୀୟ ଓ ରାଜ୍ୟ ସ୍ୱାସ୍ଥ୍ୟ ବ୍ୟବସ୍ଥାକୁ ସୁଦୃଢ଼ କରିବା, ଅତ୍ୟାବଶ୍ୟକ ଡାକ୍ତରୀ ଉପକରଣ, ବ୍ୟବହାରିକ ସାମଗ୍ରୀ ଓ ଔଷଧପତ୍ର ଖରିଦ କରିବା, ପରୀକ୍ଷାଗାର ସ୍ଥାପନ ଏବଂ ଜୈବ-ନିରାପତ୍ତା ପ୍ରସ୍ତୁତି ସମେତ ସର୍ଭିଲେନସ୍ କାର୍ଯ୍ୟକଳାପକୁ ସୁଦୃଢ଼ କରିବା ଉଦ୍ଦେଶ୍ୟରେ ଏହା ପ୍ରଦାନ କରାଯିବ ।
ଏହି ପ୍ରକଳ୍ପର ତିନୋଟି ପର୍ଯ୍ୟାୟ ହେଉଛି- ଜାନୁଆରି ୨୦୨୦ ରୁ ଜୁନ୍ ୨୦୨୦, ଜୁଲାଇ ୨୦୨୦ ରୁ ମାର୍ଚ ୨୦୨୧ ଏବଂ ଏପ୍ରିଲ୍ ୨୦୨୧ ରୁ ମାର୍ଚ ୨୦୨୪ ପର୍ଯ୍ୟନ୍ତ ।