ସରକାର ସବୁଦିନ ପାଇଁ ମହାତ୍ମା ଗାନ୍ଧି ନିଶ୍ଚିତ କର୍ମନିଯୁକ୍ତି ଯୋଜନାକୁ ଚଳାଇପାରିବେ ନାହିଁ : କେନ୍ଦ୍ରମନ୍ତ୍ରୀ ତୋମାର
ନୂଆଦିଲ୍ଲୀ : କେନ୍ଦ୍ର ସରକାର ସବୁଦିନ ପାଇଁ ମହାତ୍ମା ଗାନ୍ଧି ନିଶ୍ଚିତ କର୍ମନିଯୁକ୍ତି ଯୋଜନା ( ଏମଜିଏନଆରଇଜିଏ)କୁ ଜାରି ରଖିପାରିବେ ନାହିଁ । କାରଣ ମୋଦୀ ସରକାରଙ୍କ ବୃହତ୍ତର ଲକ୍ଷ୍ୟ ହେଉଛି ଦେଶରୁ ଦାରିଦ୍ର୍ୟ ଦୂରୀକରଣ ବୋଲି କହିଛନ୍ତି କେନ୍ଦ୍ର ଗ୍ରାମୀଣ ବିକାଶ ମନ୍ତ୍ରୀ ନରେନ୍ଦ୍ର ସିଂ ତୋମାର । କୃଷି ଓ ଗ୍ରାମୀଣ ବିକାଶ ମନ୍ତ୍ରାଳୟର ଖର୍ଚ୍ଚଦାବି ଆଲୋଚନାରେ ଭାଗ ନେଇ ସେ କହିଛନ୍ତି ଯେ ଚଳିତ ବଜେଟରେ ଏମଜିଏନଆରଇଜିଏର ବ୍ୟୟବରାଦ ହ୍ରାସ କରାଯାଇଥିବା ଅଭିଯୋଗ ମିଥ୍ୟା । କାରଣ ୨୦୧୮-୧୯ ଆର୍ଥିକ ବର୍ଷରେ ଏଥିପାଇଁ ୫୫ ହଜାର କୋଟି ବରାଦ କରାଯାଇଥିବାବେଳେ ଚଳିତ ବର୍ଷର ବଜେଟରେ ଏହାକୁ ୬୦ ହଜାର କୋଟିକୁ ବୃଦ୍ଧି କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସେ ଆହୁରି ମଧ୍ୟ କହିଛନ୍ତି ଯେ ଦେଶର ବଡ଼ ବଡ଼ କର୍ପୋରେଟମାନେ ଛୋଟ ଛୋଟ ସ୍ୱୟଂ ସହାୟକ ଗୋଷ୍ଠୀ ମାନଙ୍କଠାରୁ ଶିକ୍ଷାଲାଭ କରିବା ଆବଶ୍ୟକ । କାରଣ ବଡ଼ ବଡ଼ କମ୍ପାନିମାନେ ହଜାର ହଜାର କୋଟି ଟଙ୍କାର ବ୍ୟାଙ୍କ ଋଣ ବକେୟା ରଖିଥିବା ବେଳେ ସ୍ୱୟଂ ସହାୟକ ଗୋଷ୍ଠୀମାନଙ୍କ ଅନାଦେୟ ଋଣ ପରିମାଣ ବ୍ୟାଙ୍କମାନଙ୍କ ମୋଟ ଅନାଦେୟ ଋଣ (ଏନପିଏ)ର ମାତ୍ର ୨ ପ୍ରତିଶତ ।