ମୋଦୀ ଏବେ ଆତଙ୍କବାଦୀଙ୍କ ଭଳି ହୋଇ ଯାଇଛନ୍ତି, ତାଙ୍କ ଭିତରେ ଆଉ ମାନବିକତା ବଞ୍ଚି ନାହିଁ : ଚନ୍ଦ୍ରାବାବୁ ନାଇଡୁ
ନୂଆଦିଲ୍ଲୀ : ଦିନେ ମୋଦୀ ସରକାରଙ୍କର ସମର୍ଥକ ତଥା ତାଙ୍କ ଏନଡିଏ ସରକାରରେ ସହଯେୋଗୀ ଥିବା ଆନ୍ଧ୍ରପ୍ରଦେଶର ମୁଖ୍ୟମନ୍ତ୍ରୀ ତଥା ଟିଡିପିର ମୁଖ୍ୟ ଚନ୍ଦ୍ରବାବୁ ନାଇଡୁ ଏବେ ମୋଦୀଙ୍କୁ ନେଇ ବିବାଦୀୟ ବୟାନ ରଖିଛନ୍ତି । ମୋଦୀଙ୍କୁ କଟାକ୍ଷ କରି, ମୋଦୀ ଏବେ ବିପଦଜ୍ଜନକ ଆତଙ୍କବାଦୀଙ୍କ ଭଳି ହୋଇ ଯାଇଛନ୍ତି । ଯାହା ଭିତରେ କୌଣସି ପ୍ରକାରର ମାନବିକତା ଆଉ ବଞ୍ଚି ରହି ନାହିଁ ବୋଲି କହିଛନ୍ତି ଚନ୍ଦ୍ରବାବୁ ନାଇଡୁ । ପ୍ରକାଶନ ଜିଲ୍ଲାରେ ଏକ ରାଲିକୁ ସମ୍ବୋଧନ କରି ଚନ୍ଦ୍ରବାବୁ ନାଇଡୁ ଏଭଳି ମନ୍ତବ୍ୟ ରଖିଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ଆତଙ୍କବାଦୀଙ୍କ ସହ ତୁଳନା କରିବା ସହ ମୋଦୀ ଲୋକତନ୍ତ୍ରର ହତ୍ୟା ଏବଂ ସଂସ୍ଥାଗୁଡ଼ିକୁ ଶେଷ କରୁଥିବା କହିଥିଲେ ଚନ୍ଦ୍ରବାବୁ ନାଇଡୁ । ତାଙ୍କ କହିବା ଅନୁଯାୟୀ, ମୋଦୀ ସଂସ୍ଥାଗୁଡ଼ିକୁ ଭୁଲ ବାଟରେ ବ୍ୟବହାର କରି ଟିଡିପି ନେତାମାନଙ୍କୁ ଟାର୍ଗେଟ କରୁଛନ୍ତି । ଆମ ନେତାମାନଙ୍କ ଉପରେ ବିରୋଧରେ ଆୟକର ବିଭାଗର ଚଢ଼ାଉ କରାଯାଉଛି । ସେ ସିବିଆଇ, ଇଡି ଏବଂ ଆର୍ବିଆଇ ଭଳି ସଂସ୍ଥାର ବ୍ୟବହାର ଭୁଲ ଭାବରେ କରୁଛନ୍ତି ବୋଲି କହି ମୋଦୀଙ୍କୁ ଟାର୍ଗେଟ କରିଥିଲେ ଚନ୍ଦ୍ରବାବୁ ନାଇଡୁ ।