ହାଇଦ୍ରାବାଦ ପରେ ଛତିଶଗଡ଼ରୁ ମିଳିଲା ମହିଳାଙ୍କ ଅର୍ଧଦଗ୍ଧ ଶରୀର, ମହିଳାଙ୍କ ସହ ଥିଲେ ତାଙ୍କର କୁନି ଶିଶୁ
ରାୟପୁର: ହାଇଦ୍ରାବାଦ ଡାକ୍ତରାଣୀଙ୍କୁ ନିର୍ମମ ଭାବେ ଗଣଦୁଷ୍କର୍ମ କରି ଜାଳି ଦେବାର ସପ୍ତାହେ ପରେ ଛତିଶଗଡ଼ରେ ଘଟିଛି ଏକ ଅଭାବନୀୟ ଘଟଣା। ସୋମବାର ରାୟପୁରର ନାକଟି ପୁଲିସ୍ ଷ୍ଟେସନ୍ ଅଞ୍ଚଳରୁ ଛତିଶଗଡ଼ ପୁଲିସ୍ ଜଣେ ମହିଳା ଓ ତାଙ୍କର ଏକ କୁନି ପିଲାକୁ ଅର୍ଧଦଗ୍ଧ ଅବସ୍ଥାରେ ଉଦ୍ଧାର କରିଛି। ଏହି ଦୁଇଟି ଶରୀର ଉଦ୍ଧାର ହେବା ପରେ ପୁଲିସ୍ ଦୋଷୀକୁ ଧରିବା ପାଇଁ ତଦନ୍ତ ଆରମ୍ଭ କରିଛି।
Sambad is now on WhatsApp
Join and get latest news updates delivered to you via WhatsApp
Chhattisgarh: Half-burnt bodies of a woman and her child were found in Nakti Police Station area of Raipur, earlier today. A police investigation is underway.
— ANI (@ANI) December 2, 2019
ପ୍ରାଥମିକ ତଦନ୍ତରୁ ଜାଣିବାକୁ ମିଳିଛି ଯେ ସୋମବାର ସକାଳୁ କିମ୍ବା ରବିବାର ବିଳମ୍ବିତ ରାତିରେ କେହି ମହିଳା ଓ ତାଙ୍କ ପିଲାଙ୍କୁ ନିଆଁ ଲଗାଇ ଦେଇଛନ୍ତି। ତେବେ, କିଏ ଓ କାହିଁକି ଏପରି କରିଛି ତାହା ଏଯାବତ୍ ସ୍ପଷ୍ଟ ହୋଇନାହିଁ। ପୁଲିସ୍ ତଦନ୍ତ ଆରମ୍ଭ କରିଛି। ମହିଳାଙ୍କ ସହିତ କୌଣସି ପ୍ରକାର ଯୌନ ଶୋଷଣ ନହୋଇଥାଇ ପାରେ ବୋଲି ଅନୁମାନ କରାଯାଉଛି।