ବେଜିଂ: ଭାରତ-ଚୀନ ସୀମାରେ ଚୀନ ପକ୍ଷରୁ ସ୍ଥିତାବସ୍ଥାକୁ ବଦଳେଇବା ପାଇଁ କୌଣସି ଉଦ୍ୟମ ହେଲେ ପୁଣି ଡୋକଲାମ ପରି ପରିସ୍ଥିତି ଉପୁଜିବ ବୋଲି ଭାରତ କହିଛି ।
Sambad is now on WhatsApp
Join and get latest news updates delivered to you via WhatsApp
ଚୀନରେ ଅବସ୍ଥାପିତ ଭାରତୀୟ ରାଷ୍ଟ୍ରଦୂତ ଗୌତମ ବମ୍ବାଓ୍ଵାଲେ କହିଛନ୍ତି ଯେ ସୀମାରେ ସ୍ଥିତାବସ୍ଥାକୁ ବଦଳାଗଲେ ଦୁଇଦେଶ ମଧ୍ୟରେ ଆଉ ଏକ ଡୋକଲାମ ଭଳି ପରିସ୍ଥିତି ସୃଷ୍ଟି ହେବ । ତେବେ ଏଭଳି ବିବାଦକୁ କଥାବାର୍ତ୍ତା ମାଧ୍ୟମରେ ଦୂର କରିବା ସବୁଠାରୁ ଉଚିତ ପନ୍ଥା ବୋଲି ସେ କହିଛନ୍ତି । ହଂକଂର ସାଉଥ ଚାଇନା ମର୍ଣ୍ଣିଂ ପୋଷ୍ଟକୁ ଏକ ସାକ୍ଷାତକାର ଦେଇ ସେ କହିଛନ୍ତି ଯେ ଦୁଇଦେଶମଧ୍ୟରେ ଥିବା ଅଣଚିହ୍ନଟ ସୀମା ଯୋଗଁରୁ ସମସ୍ୟା ସୃଷ୍ଟି ହେଉଛି । ତେବେ ଚୀନ ପକ୍ଷରୁ ବିବାଦୀୟ ଡୋକଲାମ ଅଂଚଳରେ ସାମରିକ ଭିତ୍ତିଭୂମି ନିର୍ମାଣ ଚାଲିଥିବା ଖବରକୁ ସେ ଖଣ୍ଡନ କରିଛନ୍ତି । ଉକ୍ତ ସଂବେଦନଶୀଳ ଅଂଚଳରେ କୌଣସି ନିର୍ମାଣ କାମ ଚାଲୁ ନାହିଁ ବୋଲି ସେ ସ୍ପଷ୍ଟ କରିଦେଇଛନ୍ତି । ନିକଟରେ ଖବର ପ୍ରକାଶ ପାଇଥିଲା ଯେ ଚୀନ ସେନା ପକ୍ଷରୁ ଡୋକଲାମକୁ ଘେରିବା ପାଇଁ ଭୁଟାନ-ଚୀନ-ଭାରତ ତ୍ରିକୋଣ ସୀମାରେ ଆଉ ଏକ ବିକଳ୍ପ ସ୍ଥାନରେ ରାସ୍ତା ନିର୍ମାଣ କରାଯାଉଛି ।