ନବ ବର୍ଷରେ କର୍ମଚାରୀମାନଙ୍କୁ ବୋନସ ଦେବା ପାଇଁ ୩୧୩ କୋଟି ଟଙ୍କାର ପାହାଡ଼ ତିଆରି କଲା ଚାଇନିଜ୍ କମ୍ପାନୀ,ଭାଇରାଲ ହେଉଛି ଫଟୋ
ନୂଆଦିଲ୍ଲୀ : କିଛି ଲୋକଙ୍କର ଦେଖାଇ ହେବାର ଅଭ୍ୟାସ ରହିଥାଏ । କୌଣସି ଦାମୀ ଜିନିଷ କିଣିବା ପରେ ଲୋକମାନେ ତାହା ବାରମ୍ବାର ଅନ୍ୟମାନଙ୍କୁ ଦେଖାଇ ହୋଇ କହିଥାନ୍ତି । ସମସ୍ତଙ୍କଠାରୁ ନିଜକୁ ଉଚ୍ଚରେ ରଖିବା ପାଇଁ କିଛି ଲୋକ ଏପରି କରିଥାନ୍ତି । କିନ୍ତୁ ଚୀନ୍ରେ ଏକ କମ୍ପାନୀ ସେଭଳି କିଛି କରିଥିବା ଦେଖା ଯାଇଛି । ନିଜ କର୍ମଚାରୀମାନଙ୍କୁ ବୋନସ ଆକାରରେ ଦେବାକୁ ଥିବା ୩୧୩କୋଟି ଟଙ୍କାର ପାହାଡ଼ ତିଆରି କରିଛି ଜିହାଙ୍ଗଏକ୍ସଆଇ ଅଞ୍ଚଳରେ ଥିବା ଏକ ଷ୍ଟିଲ ପ୍ଲାଣ୍ଟ । ଆଗକୁ ଚୀନ୍ର ନବବର୍ଷ ଆସୁଥିବାରୁ କର୍ମଚାରୀମାନଙ୍କୁ ବୋନସ ଦେବାର ଯୋଜନା ରହିଛି ।
Sambad is now on WhatsApp
Join and get latest news updates delivered to you via WhatsApp
ଚଳିତ ବର୍ଷ ୩୧୩କୋଟି ଟଙ୍କାର ବୋନସ ଦିଆଯିବାର ବ୍ୟବସ୍ଥା ରହିଥିବା ବେଳେ କମ୍ପାନୀ ସେହି ଟଙ୍କାକୁ ନେଇ ପାହାଡ଼ ତିଆରି କରିଛି । ପାହାଡ଼ ତିଆରି କରାଯାଇଥିବା ଟଙ୍କାକୁ ୫ହଜାର କର୍ମଚାରୀମାନଙ୍କ ମଧ୍ୟରେ ବଣ୍ଟାଯିବ । ପ୍ରତି କର୍ମଚାରୀକୁ ୬୨ଲକ୍ଷଟଙ୍କା ବୋନସ ଆକାରରେ ଦିଆଯିବ ବୋଲି ଜଣାପଡ଼ିଛି । ଏତେ ଟଙ୍କାର ବୋନସ ପାଇବା ପରେ ମୁଁ ଏହାକୁ କିପରି ଖର୍ଚ୍ଚ କରିବି ବୋଲି କହିଛନ୍ତି କମ୍ପାନୀର ଜଣେ କର୍ମଚାରୀ । କର୍ମଚାରୀମାନଙ୍କୁ ଏତେ ଟଙ୍କାର ବୋନସ ଦିଆଯାଉଛି, ତାହା ଦେଖାଇବା ପାଇଁ କମ୍ପାନୀ ଏପରି ଅଦ୍ଭୁତ କାମ କରିଥିବା ଚର୍ଚ୍ଚା ହେଉଛି ।