ବେଜିଙ୍ଗ: ମଙ୍ଗଳବାର ଦିନ ଥିମ୍ପୁ ଗସ୍ତ ଅବସରରେ ଚୀନ୍ର ଉପ ବୈଦେଶିକ ମନ୍ତ୍ରୀ କୋଙ୍ଗ୍ ଜୁଆନ୍ୟୁ ଭୁଟାନୀୟ ଅଧିକାରୀମାନଙ୍କ ସହ ଡୋକଲାମ ପ୍ରସଙ୍ଗ ଆଲୋଚନା କରିଛନ୍ତି ବୋଲି ବିଶ୍ୱାସ କରାଯାଉଛି। କୂଟନୈତିକ ବ୍ୟାପାରରେ ସ୍ତରର ଗୁରୁତ୍ୱକୁ ଉପେକ୍ଷା କରି ତାଙ୍କୁ ଭୁଟାନର ରାଜା ଓ ପୂର୍ବତନ ରାଜଙ୍କ ଗହଣରେ ସର୍ବୋଚ୍ଚ ସମ୍ମାନ ପ୍ରଦର୍ଶନ କରାଯାଇଥିଲା।
Sambad is now on WhatsApp
Join and get latest news updates delivered to you via WhatsApp
ଭରତ ସହ ସୀମାରେଖା ପ୍ରସଙ୍ଗ ଆଲୋଚନା କରାଯାଇଛି ବୋଲି ଚୀନ୍ ବୈଦେଶିକ ମନ୍ତ୍ରାଳୟ ନିଶ୍ଚିତ କରି କହିଛି। ମଙ୍ଗଳବାର ଦିନ ଚୀନ ବୈଦେଶିକ ମନ୍ତ୍ରାଳୟର ମୁଖପାତ୍ର ଗେଙ୍ଗ୍ ଶୁଆଙ୍ଗ୍ କହିଛନ୍ତି: ଦୁଇ ପକ୍ଷ ଚୀନ୍ ଓ ଭୁଟାନ୍ ରାଜିନାମା ଓ ସୀମାରେଖା ଉପରେ ମତ ଆଦାନ ପ୍ରଦାନ କରିବା ସହ ଅନେକ ଚୁକ୍ତି ସ୍ୱାକ୍ଷରିତ ହୋଇଛି।
ଗତବର୍ଷ ଡୋକଲାମ ଠାରେ ଚୀନ୍ ସୈନିକଙ୍କ ସହ ହୋଇଥିବା ଅଚଳାବସ୍ଥା ସମୟରେ ଭାରତ ଓ ଭୁଟାନ ଏକତ୍ର କାର୍ଯ୍ୟ କରିଥିବାରୁ ଚୀନ୍ର ବିବୃତି ଗୁରୁତ୍ୱ ବହନ କରୁଛି। ଏଥିଯୋଗୁଁ ଚୀନ୍-ଭୁଟାନ୍ ସୀମାନ୍ତ ଆଲୋଚନା ବାତିଲ ହୋଇଥିଲା। କିନ୍ତୁ, ଏ ବର୍ଷ କୌଣସି ଏକ ସମୟରେ ଉଭୟ ଆଲୋଚନା କରି ପାରନ୍ତି।
ଡୋକଲାମ୍ ଏବଂ ସେ ଭଳି ସୀମାନ୍ତ ବିବାଦ ଉପୁଜିଥିବା କେତେକ ସ୍ଥାନ ସଂକ୍ରାନ୍ତରେ ଆଲୋଚନା ହୋଇଥିବା ଜଣାପଡ଼ିଛି।
ଭୁଟାନ ଓ ଚୀନ୍ ମଧ୍ୟରେ ଔପଚାରିକ କୂଟନୈତିକ ସମ୍ପର୍କ ନାହିଁ କି, କାହାରି କାହା ଦେଶରେ ଦୂତାବାସ ନାହିଁ। ଚୀନ୍ ଥିମ୍ପୁ ଠାରେ ନିଜର ଅଭିଯାନ ପ୍ରତିଷ୍ଠା କରିବାକୁ ଆଗ୍ରହୀ ଥିବାରୁ ଏ ଭଳି ପରିସ୍ଥିତି ବଦଳି ଯିବା ଭଳି ଲାଗୁଛି।
ନିକଟରେ ରାଓ୍ଵାଣ୍ଡା ଠାରେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଚୀନ୍ ରାଷ୍ଟ୍ରପତି ଜି ଜିନ୍ପିଙ୍ଗ୍ଙ୍କ ଆଲୋଚନା ପ୍ରସଙ୍ଗରେ ଗେଙ୍ଗ୍ କହିଲେ କି, ଉଭୟ ଭାରତ ଓ ଚୀନ୍ ଏକତ୍ର ଆଫ୍ରିକାରେ କାମ କରି ପାରିବେ। ଉହାନ୍ ଚୁକ୍ତିର ପ୍ରେରଣାରେ ଉଭୟ ନେତା ଏମିତି କରୁଛନ୍ତି।