ନୂଆଦିଲ୍ଲୀ : କଂଗ୍ରେସ ଓ ଗାନ୍ଧୀ ପରିବାର ବିରୋଧରେ ମୋଦି ସରକାରଙ୍କୁ ଏକ ବଡ଼ ଅସ୍ତ୍ର ମିଳିଯାଇଛି । ବହୁ କୋଟି ଟଙ୍କାର ଅଗଷ୍ଟା େଓ୍ଵଷ୍ଟଲାଣ୍ଡ ହେଲିକାପ୍ଟର କିଣା ବେଳେ ମଧ୍ୟସ୍ଥି ଥିବା ବ୍ରିଟିଶ ବ୍ୟବସାୟୀ ଖ୍ରୀଷ୍ଟିଆନ ମିସେଲ କୁ ଆଜି ରାତିରେ ଭାରତ ଅଣାଯିବାର ସମ୍ଭାବନା ରହିଛି । ଆଜି ଦୁବାଇ ସରକାର ତାଙ୍କୁ ଭାରତକୁ ପ୍ରତ୍ୟାର୍ପଣ କରିବାକୁ ନିର୍ଦ୍ଦେଶ ଦେଇଥିଲେ । ଏହି ପ୍ରତ୍ୟାର୍ପଣ ବିରୋଧରେ ଗତ ମାସରେ ମିସେଲ ୟୁଏଇର ଏକ କୋର୍ଟରେ କରିଥିବା ଆବେଦନ ଅଗ୍ରାହ୍ୟ ହୋଇଯାଇଥିଲା। ଗତ ବର୍ଷ ତାଙ୍କୁ ଦୁବାଇରେ ଗିରଫ କରାଯାଇଥିଲା ଓ ସେ ତାପରେ ଜାମିନରେ ଥିଲେ ।
Sambad is now on WhatsApp
Join and get latest news updates delivered to you via WhatsApp
ବହୁ କୋଟି ଟଙ୍କାର ଅଗଷ୍ଟା େଓ୍ଵଷ୍ଟଲାଣ୍ଡ ଭିଭିଆଇପି ହେଲିକାପ୍ଟର ଦୁର୍ନୀତି ମାମଲାରେ ହୋଇଥିବା ଲାଞ୍ଚ କାରବାରରେ ସେ ମଧ୍ୟସ୍ଥି ଥିବା ଅଭିଯୋଗରେ ଭାରତର ସିବିଆଇ ତାଙ୍କୁ ଖୋଜୁଛି । ଏହି ଲାଞ୍ଚ କାରବାରରେ ଗାନ୍ଧିପରିବାର ଫାଇଦା ପାଇଥିବା ଅଭିଯୋଗ ହେଉଛି । ମିସେଲକୁ ଭାରତ ଅଣାଯିବା ପରେ ତାଠାରୁ ଏ ସଂପର୍କରେ ଅନେକ ଗୁରୁତ୍ୱପୂର୍ଣ୍ଣ ତଥ୍ୟ ମିଳିବ । ଏବେ ୫ଟି ରାଜ୍ୟରେ ନିର୍ବାଚନ ଚାଲିଥିବାବେଳେ ଏହି ଘଟଣା କଂଗ୍ରେସକୁ ଅଡୁଆରେ ପକାଇବାର ସମ୍ଭାବନା ରହିଛି ।