ନୂଆଦିଲ୍ଲୀ: ବାବା ରାମଦେବଙ୍କ କମ୍ପାନୀ ପତଞ୍ଜଳି ଆୟୁର୍ବେଦ ନିଜର ଦୁଇ ଉତ୍ପାଦ ଵେଲ ସର୍ବତ ଓ ଗୁଲାବ ସର୍ବତକୁ ନେଇ ଆମେରିକୀୟ ଆଇନରେ ଫସିପାରେ | ଆମେରିକା ସ୍ୱାସ୍ଥ୍ୟ ନିୟାମକ ଏ ବାବଦରେ ଏକ ରିପୋର୍ଟ ଦେଇଛି | ୟୁନାଇଟେଡ଼ ଷ୍ଟେଟସ ଫୁଡ ଆଣ୍ଡ ଡ୍ରଗ ଆଡମିନିଷ୍ଟ୍ରେସନ(ୟୁଏସଏଫଡିଏ)ର ରିପୋର୍ଟରେ କୁହାଯାଇଛି ଯେ ପତଞ୍ଜଳିର ଭାରତରେ ବିକ୍ରି କରୁଥିବା ଉତ୍ପାଦ ଓ ରପ୍ତାନି କରାଯାଉଥିବା ଉତ୍ପାଦ ବାବଦରେ ଦିଆଯାଉଥିବା ତଥ୍ୟ ବାବଦରେ ତାଳମେଳ ରହୁନାହିଁ |
Sambad is now on WhatsApp
Join and get latest news updates delivered to you via WhatsApp
ରିପୋର୍ଟରେ ଦର୍ଶାଯାଇଛି ଯେ ଭାରତରେ ଏହି ଦୁଇଟି ସର୍ବତକୁ ଅଲଗା କହି ବିକ୍ରି କରାଯାଉଥିବାବେଳେ ଆମେରିକାରେ ଭିନ୍ନ ତଥ୍ୟ ଦେଇ ବିକ୍ରି କରାଯାଉଛି | ଏଠାରେ ସୂଚନା ଥାଉ କି ଆମେରିକାର ଖାଦ୍ୟ ସୁରକ୍ଷା ଆଇନ ଭାରତୀୟ ଆଇନ ତୁଳନାରେ ଅଧିକ କଡା ହୋଇଥାଏ |
ଯଦି ଆମେରିକାରେ ଭୁଲ ତଥ୍ୟ ଦେଇ ବିକ୍ରି କରାଯାଉଥାଏ, ତେବେ ୟୁଏସଏଫଡିଏ ଆମଦାନୀକୁ ବନ୍ଦ କରିଦେବା ସହ ଚେତାବନୀ ପତ୍ର ମଧ୍ୟ ଜାରି କରିପାରେ | ଯଦି କୌଣସି ଉତ୍ପାଦ ବାବଦରେ ମାମଲା ରୁଜୁ କରାଯାଏ ତେବେ ସେହି କମ୍ପାନୀ ଉପରେ ୫ ଲକ୍ଷ ଆମେରିକା ଡଲାରର ଜରିମାନା ଲଗାଯିବା ସହ କମ୍ପାନୀ ଅଧିକାରୀଙ୍କୁ ତିନି ବର୍ଷ ଜେଲ ଦଣ୍ଡ ମଧ୍ୟ ଭୋଗିବାକୁ ପଡିଥାଏ |