ନୂଆଦିଲ୍ଲୀ : ଉପରାଷ୍ଟ୍ରପତି ଭେଙ୍କିଆ ନାଇଡୁ କଂଗ୍ରେସ ଓ ସହଯୋଗୀ ଦଳଙ୍କ ଦ୍ୱାରା ପ୍ରଧାନବିଚାରପତି ଦୀପକ ମିଶ୍ରଙ୍କ ବିରୋଧରେ ଆଗତ ମହାଭିଯୋଗ ପ୍ରସ୍ତାବକୁ ଖାରିଜ କଲା ପରେ କଂଗ୍ରେସ ସୁପ୍ରିମକୋର୍ଟ ଯିବାକୁ ବିଚାର କରୁଛି । କିନ୍ତୁ ସୁପ୍ରିମକୋର୍ଟରେ ମଧ୍ୟ ଏହି ଅଭିଯୋଗ ତିଷ୍ଠି ପାରିବ ନାହିଁ ବୋଲି କହିଛନ୍ତି ବିଶିଷ୍ଠ ଆଇନ ବିଶେଷଜ୍ଞ ତଥା ପୂର୍ବତନ ଆଟର୍ଣ୍ଣ ଜେନେରାଲ ସୋଲି ସୋରାବଜୀ । ସେ କହିଛନ୍ତି ଯେ କଂଗ୍ରେସ ପକ୍ଷରୁ ଆଗତ ମହାଭିଯୋଗ ପ୍ରସ୍ତାବକୁ ରଦ୍ଦ କରି ଠିକ୍ ନିଷ୍ପତ୍ତି ନେଇଛନ୍ତି ଉପରାଷ୍ଟ୍ରପତି । କଂଗ୍ରେସ ପକ୍ଷରୁ ଦିଆଯାଇଥିବା ନୋଟିସରେ କୌଣସି ଭିତ୍ତି ନଥିଲା । ଉପରାଷ୍ଟ୍ରପତି ବିଭିନ୍ନ ଆଇନଜ୍ଞଙ୍କ ପରାମର୍ଶ କରିବା ସହ ନିଜ ନିଷ୍ପତ୍ତି ନିଜେ ନେଇଛନ୍ତି । ଉପରାଷ୍ଟ୍ରପତି ଏହି ମାମଲାକୁ ଅଧିକ ଲମ୍ବାଇବାକୁ ନଦେଇ ଉପଯୁକ୍ତ ସମୟରେ ନିଷ୍ପତ୍ତି ନେଇଛନ୍ତି । ସେ ନୋଟିସର ବିଭିନ୍ନ ପକ୍ଷକୁ ବିଚାର କରି ଜାଣିପାରିଥିଲେ ଯେ ମହାଭିଯୋଗ କରିବା ପାଇଁ କୌଣସି କାରଣ ସୃଷ୍ଟି ହେଉନାହିଁ ।
Sambad is now on WhatsApp
Join and get latest news updates delivered to you via WhatsApp
କେବଳ ସୋଲି ସୋରାବଜୀ ନୁହେଁ ଦେଶର ଅନେକ ପୂର୍ବତନ ସୁପ୍ରିମକୋର୍ଟ ବିଚାରପତି, ଆଇନ ବିଶେଷଜ୍ଞ ମଧ୍ୟ କଂଗ୍ରେସର ମହାଭିଯୋଗ ପ୍ରସ୍ତାବକୁ ନାପସନ୍ଦ କରିଛନ୍ତି ।
ଆଜି ସକାଳେ ଉପରାଷ୍ଟ୍ରପତି ବିଭିନ୍ନ ବିଶେଷଜ୍ଞଙ୍କ ସହ ପରାମର୍ଶ କରିବା ପରେ ମହାଭିଯୋଗ ନୋଟିସକୁ ଫେରାଇ ଦେଇଥିଲା । କୌଣସି ବଚନ ବା କାର୍ଯ୍ୟ ଦ୍ୱାରା ଦେଶର ଗଣତାନ୍ତ୍ରିକ ବ୍ୟବସ୍ଥାକୁ ଦୂର୍ବଳ ହେବୂାକୁ ଦିଆଯିବ ନାହିଁ ଭେଙ୍କିଆ ନାଇଡୁ କହିଥିଲେ ।