ଅମାନିଆ ପଶୁକୁ କ’ଣ କୁହାଯାଏ? ପ୍ରିୟଙ୍କାଙ୍କ ଏହି ପ୍ରଶ୍ନର ଉତ୍ତରରେ ‘ଯୋଗୀ-ମୋଦୀ’ ବୋଲି କହିଲେ ଉପସ୍ଥିତ ଲୋକେ
ନୂଆଦିଲ୍ଲୀ : କଂଗ୍ରେସର ମହାସଚିବ ପ୍ରିୟଙ୍କା ଗାନ୍ଧୀ ଭଦ୍ରାଙ୍କ ବସ୍ତି ରାଲି ସମୟରେ ପୁଣି ଥରେ ପ୍ରଧାନମନ୍ତ୍ରୀ ମୋଦୀଙ୍କୁ ନେଇ ଲୋକେ ଅପଶବ୍ଦ କହିଥିବା ଦେଖା ଯାଇଛି । ପ୍ରିୟଙ୍କା ଏକ ବସ୍ତିରେ କଂଗ୍ରେସ ପ୍ରାର୍ଥୀଙ୍କ ପାଇଁ ନିର୍ବାଚନ କରିବାକୁ ପହଞ୍ଚିଥିବା ବେଳେ ଏଭଳି ଘଟଣା ଘଟିଥିଲା । ବସ୍ତିରେ କରାଯାଇଥିବା ରାଲିରେ ପ୍ରିୟଙ୍କା ମୋଦୀ ଏବଂ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ଟାର୍ଗେଟ କରିଥିଲେ ।
Sambad is now on WhatsApp
Join and get latest news updates delivered to you via WhatsApp
ଜନସଭାକୁ ସମ୍ବୋଧନ କରି, କୃଷକମାନଙ୍କ ଉପରେ ଯେତେବେଳେ ସଙ୍କଟ ଆସିଥିଲା, ଯେତେବେଳେ ତାଙ୍କ ଚାଷ ଜମି ନଷ୍ଟ ହୋଇ ଯାଇଥିଲା ସେତେବେଳେ ଗୋଟେ ଟଙ୍କାର ସହାୟତା ମଧ୍ୟ ତାଙ୍କ ପାଖରେ ପହଞ୍ଚି ପାରି ନ ଥିଲା । ଯଦି କ୍ଷମତାରେ ଥିବା ଲୋକେ କୃଷକମାନଙ୍କ ପାଖକୁ ଯାଇ ତାଙ୍କ କଥା ବୁଝିଥାନ୍ତେ, ତେବେ କୃଷକମାନେ ଫସଲ ନଷ୍ଟ କରୁଥିବା ଅମାନିଆ ପଶୁର ନାଁ କ’ଣ ଦେଇଛନ୍ତି ତାହା ଜାଣି ପାରିଥାନ୍ତେ । ପ୍ରିୟଙ୍କାଙ୍କ ଅମାନିଆ ପଶୁ କଥା ନ ସରୁଣୁ ଲୋକେ ମୋଦୀ ଏବଂ ଯୋଗୀଙ୍କ ନାଁ ନେବା ଆରମ୍ଭ କରି ଦେଇଥିଲେ ।