ଘର ପଛପଟୁ ବାହାରିଲା ଦୋମୁଣ୍ଡିଆ ବିଷାକ୍ତ ସାପ, ହତ୍ୟା ନ କରି ବନବିଭାଗକୁ ଦେଲେ ଦମ୍ପତି
ନୂଆଦିଲ୍ଲୀ : ଅଧିକାଂଶ ଲୋକ ନିଜ ସାମ୍ନାରେ ଏକ ବିଷାକ୍ତ ସାପ ଦେଖି ଡ଼ରିଯିବା ସହ ଆକ୍ରମଣ କରିବା ଡ଼ରରେ ସାପକୁ ମାରି ଦେଇଥାନ୍ତି । କିନ୍ତୁ କେଣ୍ଟକିରେ ରହୁଥିବା ଦମ୍ପତି ଏହାର ଠିକ୍ ବିପରୀତ କରିଥିବା ଦେଖାଯାଇଛି । ଘର ପଛପଟେ ହଠାତ୍ ଏକ ବିରଳ ଦୋମୁଣ୍ଡିଆ ସାପ ଦେଖି ଦମ୍ପତି ସାପକୁ ନ ମାରି ସାଲାଟୋ ବନ୍ୟଜୀବ ଶିକ୍ଷା କେନ୍ଦ୍ରକୁ ହସ୍ତାନ୍ତର କରିଥିବା ଜଣାପଡ଼ିଛି । ଅନ୍ୟ ପକ୍ଷରେ ସାପକୁ ଆଣିବା ପରେ ସାଲାଟୋ ବନ୍ୟଜୀବ ଶିକ୍ଷା କେନ୍ଦ୍ର ତରଫରୁ ସାପର କିଛି ଫଟୋ ଫେସ୍ବୁକ୍ରେ ପୋଷ୍ଟ କରାଯାଇଥିଲା । ଯାହାକୁ ନେଇ ଏବେ ଚର୍ଚ୍ଚା ଆରମ୍ଭ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ଉଦ୍ଧାର କରାଯାଇଥିବା ଦୋମୁଣ୍ଡିଆ ସାପର ୪ଟି ଆଖି ଏବଂ ଦୁଇଟି ମୁଣ୍ଡ ଠିକ୍ ଭାବରେ କାମ କରୁଥିବା ବେଳେ ଜିଭ ମଧ୍ୟ ଠିକ୍ ଭାବରେ କାମ କରୁଥିବା ଦେଖାଯାଇଛି । କିନ୍ତୁ ଏ ପର୍ଯ୍ୟନ୍ତ ସେ ଦୁଇଟି ପାଟିରେ ଖାଦ୍ୟ ଗିଳି ପାରିବ କି ନାହିଁ ତାହା ସ୍ପଷ୍ଟ ହୋଇ ପାରି ନାହିଁ । ଅକ୍ଟୋବର ୧୯ରୁ ଏହାକୁ ସାଲାଟୋ ବନ୍ୟଜୀବ ଶିକ୍ଷା କେନ୍ଦ୍ରରେ ଲୋକମାନଙ୍କ ପାଇଁ ରଖାଯିବା ପରେ କେନ୍ଦ୍ର ଏହି ସାପର ସ୍ୱାସ୍ଥ୍ୟକୁ ନେଇ ତତ୍ପର ହୋଇଥିବା ଦେଖାଯାଇଛି । ଅନ୍ୟ ପକ୍ଷରେ ସାପର ଫଟୋ ସୋସିଆଲ ମିଡ଼ିଆରେ ପୋଷ୍ଟ କରାଯିବା ପରେ ଏହା ଭାଇରାଲ ହେଉଥିବା ଦେଖିବାକୁ ମିଳିଛି ।