ମଧ୍ୟପ୍ରଦେଶରେ ଗାଈ ଦୁଇଟି ଯମଜ ଅଣ୍ଡିରା ବାଛୁରୀକୁ ଜନ୍ମ ଦେବା ପରେ ନାମକରଣ କଲା ମାଲିକ, ଜଣଙ୍କ ନାଁ ବିଜେପି ରଖିବା ସହ ଆଉ ଜଣଙ୍କ ନାଁ ଦେଲା କଂଗ୍ରେସ
ଭୋପାଲ: ଭୋପାଳର ଖଜୁରୀ କଲାନ ଗାଁରେ ଏକ ଗାଈ ଯମଜ ବାଛୁରୀକୁ ଜନ୍ମ ଦେବା ଘଟଣା ଚର୍ଚ୍ଚାର ବିଷୟ ପାଲଟିଥିବା ବେଳେ ଗୋପାଳକ ଦୁଇ ବାଛୁରୀଙ୍କ କରିଥିବା ନାମକରଣକୁ ନେଇ ସ୍ଥାନୀୟ ଅଞ୍ଚଳରେ ଚର୍ଚ୍ଚା ଆରମ୍ଭ ହୋଇଛି । ରାଜ୍ୟରେ ନିର୍ବାଚନର ପ୍ରଚାର ସରଗରମ ଚାଲୁଥିବା ଦେଖି ଗୋପାଳକ ଜଣଙ୍କ ଦୁଇ ବାଛୁରୀଙ୍କ ନାଁ ଦୁଇ ଦଳ ନାଁରେ ରଖିଥିବା ଜଣା ପଡ଼ିଛି । ଜଣଙ୍କ ନାଁ ବିଜେପି ରଖିଥିବା ବେଳେ ଆଉ ଜଣଙ୍କ ନାଁ କଂଗ୍ରେସ ରଖିଥିବା ସୂଚନା ମିଳିଛି ।
Sambad is now on WhatsApp
Join and get latest news updates delivered to you via WhatsApp
ଗୋପାଳକ ଧନ୍ ସିଂହଙ୍କ କହିବା ଅନୁଯାୟୀ, ଯେତେବେଳେ ଏହି ଦୁଇ ଦଳ ପରସ୍ପର ବିରୋଧରେ ଜିତିବା ପାଇଁ ଲଢ଼ୁଥିବେ, ସେତେବେଳେ ଏହି ଦୁଇ ଅଣ୍ଡିରା ବାଛୁରୀ ଦେଶର ଉନ୍ନତି ପାଇଁ ଚାଷ ଜମିରେ ସାଥୀରେ କାମ କରୁଥିବେ । କିଛି ଦିନ ହେଲାଣି ନିର୍ବାଚନ ପାଖରେ ଥିବାରୁ ଅନେକ ନେତା ଦେଶର ଉନ୍ନତି ପାଇଁ ଅନେକ ଭାଷଣ ମାରୁଥିବା ଦେଖା ଯାଉଛି । କିନ୍ତୁ ଏହି ନେତାମାନେ ନିର୍ବାଚନ ପରେ ସବୁ ଭୁଲିଯିବେ । ଗାଁରେ କେଉଁ ଦଳ ଜିତିବ ବା କିଏ କାହାକୁ ହରାଇବ ସେ ନେଇ ଚର୍ଚ୍ଚା ଚାଲୁଥିବା ବେଳେ ମୁଁ ମୋ ଦୁଇ ଅଣ୍ଡିରା ବାଛୁରୀର ନାଁ ବିଜେପି ଏବଂ କଂଗ୍ରେସ ରଖିବା କଥା ଚିନ୍ତା କଲି । ଅତିକମରେ ପ୍ରତିକାତ୍ମକ ରୂପରେ ଦୁହେଁ ସାଥିରେ ତ କାମ କରିବେ ବୋଲି କହିଥିଲେ ଗୋପାଳକ ଧନ୍ ସିଂହ ।