ନରଖାଦକ କୁମ୍ଭୀର ପେଟରୁ ମିଳିଲା ମଣିଷର ହାତ-ଗୋଡ !
ବାଲିକପପାନ୍: ଇଣ୍ଡୋନେସିଆର ବର୍ଣ୍ଣିଓ ଅଞ୍ଚଳରେ ଏକ ୨୦ଫୁଟ ଲମ୍ବ ବିଶିଷ୍ଟ କୁମ୍ଭୀର ପେଟରୁ ମଣିଷର ହାତ ଓ ଗୋଡ ମିଳିଛି । ପୁଲିସ ସୂଚନା ମୁତାବକ ଦୁଇଦିନ ତଳେ ସ୍ଥାନୀୟ ଅଞ୍ଚଳର ଏକ ତାଳ ବଗିଚାରେ କାମ କରୁଥିବା ଜନୈକ କର୍ମଚାରୀ ନିଖୋଜ ଥିବାର ଅଭିଯୋଗ ହୋଇଥିଲା। ସେ ବ୍ୟକ୍ତିଙ୍କର ମୃତଦେହ କୁମ୍ଭୀର ପେଟରୁ ମିଳିଛି ବୋଲି ପୁଲିସ ସୂଚନା ଦେଇଥିଲା । ବନବିଭାଗର ସୂଚନା ମୁତାବକ ନଦୀକୂଳରୁ ନିଖୋଜ ବ୍ୟକ୍ତିଙ୍କ ମୋଟର ବାଇକ ଓ ସେ ବ୍ୟବହାର କରିଥିବା ସାବୁନ ପାଇବା ପରେ ତାଙ୍କୁ କୁମ୍ଭୀର ମାରିଦେଇଥିବା ସନ୍ଦେହ କରାଯାଇଥିଲା । ଏହା ପରେ ବନ ବିଭାଗ ଉକ୍ତ ବ୍ୟକ୍ତିଙ୍କୁ ଖୋଜିବା ଅଭିଯାନ ଆରମ୍ଭ କରିଥିଲା । ଏହାପରେ ବନବିଭାଗ ସେଇ ନଦୀରେ ଏକ ୨୦ଫୁଟ୍ ଲମ୍ବ ଦୀର୍ଘକାୟ କୁମ୍ଭୀର ଦେଖିବାକୁ ପାଇଥିଲେ। ଏହାପରେ ବନ ବିଭାଗ କୁମ୍ଭୀରଟିକୁ ଗୁଳିକରି ମାରିଦେଇଥିଲେ ଏବଂ କୁମ୍ଭୀର ପେଟରୁ ନିଖୋଜ ବ୍ୟକ୍ତିଙ୍କ ବାମହାତ ଓ ଗୋଡ ମିଳିଥିଲା । ମୃତ ବ୍ୟକ୍ତିଙ୍କ ସ୍ତ୍ରୀ କହିଛନ୍ତି, ସେ ଘରକୁ ଫେରୁଥିବା ବେଲେ ତାଙ୍କୁ କୁମ୍ଭୀର ଖାଇ ଦେଇଛି । କୁମ୍ଭୀର ମୁହଁରେ ପଡ଼ିଥିବା ୩୬ବର୍ଷିୟ ଆଣ୍ଡି ଆଷୋ ଇରଙ୍ଗଙ୍କ ମୃତଦେହ ମିଳିଛି ବୋଲି ସ୍ଥାନୀୟ ପୁଲିସ ମୁଖ୍ୟ ଟେଡି ରାସ୍ତଓ୍ଵାନ୍ କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଜଣେ ପ୍ରତ୍ୟକ୍ଷଦର୍ଶୀ ଅନିସା କହିଛନ୍ତି, ଇଣ୍ଡୋନେସିଆରେ ଏପରି ଘଟଣା ନୂଆ ନୁହେଁ। ବିଗତ ଦିନରେ ଏହିପରି ବହୁତ ଘଟଣା ଦେଖିବାକୁ ମିଲିଛି । ୨୦୧୬ରେ ଅମ୍ପତ ଦ୍ୱୀପରେ ରୁଷିଆର ଜଣେ ପର୍ଯ୍ୟଟକଙ୍କର କୁମ୍ଭୀର ଆକ୍ରମଣରେ ମୃତ୍ୟୁ ଘଟିଥିଲା । ଅମ୍ପତ ଇଣ୍ଡୋନେସିଆର ଏକ ଲୋକ ପ୍ରିୟ ପର୍ଯ୍ୟଟନସ୍ଥଳୀ । ଇଣ୍ଡୋନେସିଆରେ ପଶୁ ଓ ମଣିଷ ଭିତରେ ସଂଘର୍ଷ ଏହିପରି ଧୀରେ ଧୀରେ ବଢିବାରେ ଲାଗିଛି । ବିଶେଷ କରି ଯେଉଁଠାରେ ତାଳ ତେଲ ପାଇଁ ଲୋକେ ଗଛ କାଟି ଦେଉଛନ୍ତି ସେଠାରେ କୁମ୍ଭୀର ଓ ଅନ୍ୟ ପଶୁଙ୍କ ଆକ୍ରମଣର ଶିକାର ହେଉଛି ମଣିଷ।