ସ୍ପଷ୍ଟ ଇଂରାଜୀ କହି ମୋଦୀ ସରକାର ଚାକିରି ଦେବାରେ ବିଫଳ ହୋଇଛନ୍ତି ବୋଲି କହିଲେ ଦିନ ମଜୁରିଆ, ପରେ ସାମ୍ନାକୁ ଆସିଲା ଶିକ୍ଷାଗତ ଯୋଗ୍ୟତା
ନୂଆଦିଲ୍ଲୀ : ଦେଶରେ ଏବେ ନିର୍ବାଚନକୁ ନେଇ ଚର୍ଚ୍ଚା ଲାଗି ରହିଥିବା ବେଳେ ଲୋକମାନେ କେଉଁ ଦଳକୁ ଭୋଟ୍ ଦେବେ, ସେ ନେଇ ଆଲୋଚନା ଆରମ୍ଭ କରି ଦେଇଛନ୍ତି । ମୋଦୀଙ୍କ ଏନଡିଏ ସରକାର ଏବଂ ୟୁପିଏ ସରକାର ଦେଶର ଜନତାଙ୍କ ପାଇଁ କ’ଣ କ’ଣ କରିଛନ୍ତି, ସେ ବିଷୟରେ ଏବେ ଲୋକେ ଆଲୋଚନା କରିବାରେ ଲାଗି ପଡ଼ିଛନ୍ତି । ଏ ମଧ୍ୟରେ ଲଲ୍ନଟପ୍ ନାମକ ଏକ େଓ୍ଵବ୍ସାଇଟ୍ ଜଣେ ଦିନ ମଜୁରିଆଙ୍କ ଭିଡିଓ ସେୟାର କରିଛି । ଯାହା ସମସ୍ତଙ୍କୁ ଆଶ୍ଚର୍ଯର୍୍ୟ କରିଛି । ଭିଡିଓରେ ବିହାରରୁ ଆସି ଦିନ ମଜୁରିଆ କାମ କରୁଥିବା ଜଣେ ବ୍ୟକ୍ତିି ତାଙ୍କୁ ପଚରାଯାଇଥିବା ପ୍ରଶ୍ନର ଉତ୍ତର ଇଂରାଜୀ ଭାଷାରେ ଦେଉଥିବା ଦେଖା ଯାଇଛି । ସ୍ପଷ୍ଟ ଇଂରାଜୀ ଶୁଣି ପ୍ରଥମେ ରିପୋର୍ଟର ଆଶ୍ଚର୍ଯ୍ୟ ହୋଇ ଯାଇଥିବା ବେଳେ ପରେ ବ୍ୟକ୍ତିଜଣଙ୍କ ଭାଗଲପୁର ବିଶ୍ୱବିଦ୍ୟାଳୟରୁ ସ୍ନାତକ ସାରିଥିବା ଜଣା ପଡ଼ିଥିଲା ।
Sambad is now on WhatsApp
Join and get latest news updates delivered to you via WhatsApp
ଭିଡିଓରେ ବ୍ୟକ୍ତିଜଣଙ୍କ ମୋଦୀ ସରକାର ଏବଂ ଇନ୍ଦିରା ଗାନ୍ଧୀଙ୍କ ସରକାର ସମୟରେ ଚାକିରି ସୁଯୋଗ କେମିତି ଥିଲା, ସେ ବିଷୟରେ ଜଣାଇଛନ୍ତି । ତାଙ୍କ କହିବା ଅନୁଯାୟୀ, ଇନ୍ଦିରା ଗାନ୍ଧୀଙ୍କ ସମୟରେ ଚାକିରି ସୁବିଧା ବହୁତ ଥିଲା । କିନ୍ତୁ ଏବେ ମୋଦୀ ସରକାର ଚାକିରି ସୁଯୋଗ ତିଆରି କରିବାରେ ବଫଳ ହୋଇଛନ୍ତି । ତାଙ୍କୁ ସେ ପ୍ରତି ମଧ୍ୟ ଧ୍ୟାନ ଦେବା ଦରକାର । ଆମେ ପ୍ରତିଦିନ କାମ କରିବା ପରେ ହିଁ ପରିବାରକୁ ଚଳାଇ ପାରିବୁ । ମୋଦୀ ସରକାରଙ୍କୁ କାମର ସୁଯୋଗ ଅଧିକରୁ ଅଧିକ ତିଆରି କରିବା ଦରକାର ବୋଲି ଦିନ ମଜୁରିଆଜଣଙ୍କ ଭିଡିଓରେ କହୁଥିବା ଦେଖା ଯାଇଛି ।