ସେଲ୍ଫି ନେଉ ନେଉ ୨୭ମହଲା ତଳକୁ ଖସିଲେ ମହିଳା, ଭାଇରାଲ ହେଲା ତଳକୁ ଖସୁଥିବା ସମୟର ଭୟାନକ ଭିଡ଼ିଓ
ନୂଆଦିଲ୍ଲୀ: ପୂର୍ବରୁ ସେଲ୍ଫି ନେଉଥିବା ସମୟରେ ଦୁର୍ଘଟଣାର ଶିକାର ହେବାର ଖବର ଅନେକ ଆସିଛି । ଏ ନେଇ ସରକାରଙ୍କ ତରଫରୁ ସାଧାରଣ ଲୋକମାନଙ୍କୁ ସଚେତନ କରାଯାଉଥିଲେ ମଧ୍ୟ ବାରମ୍ବାର ଏଭଳି ଘଟଣା ଘଟିବାରେ ଲାଗିଛି । ଏବେ ସେଭଳି ଏକ ଘଟଣା ଦେଖିବାକୁ ମିଳିଛି ପାନାମାରେ । ଜଣେ ୨୭ବର୍ଷୀୟ ମହିଳା ସେଲ୍ଫି ନେବା ପାଇଁ ୨୭ମହଲା ଉପରକୁ ଯାଇଥିବା ସମୟରେ ବାଲ୍କୋନିରେ ଠିଆ ସେଲ୍ଫି ନେବାକୁ ଲାଗିଥିଲେ ।
Sambad is now on WhatsApp
Join and get latest news updates delivered to you via WhatsApp
ସେଲ୍ଫି ନିଶାରେ ସେ ତଳକୁ ନଇଁ ଫଟୋ ଉଠାଇବାକୁ ପ୍ରୟାସ କରୁଥିବା ସମୟରେ ହଠାତ୍ ତାଙ୍କ ପାଦ ଖସି ଯାଇଥିଲା । ଯାହା ଫଳରେ ସେ ୨୭ମହଲା ତଳକୁ ଖସି ପଡ଼ିଥିଲେ । ଏହି ଦୁର୍ଘଟଣା ପରେ ମହିଳାଙ୍କ ମୃତ୍ୟୁ ହୋଇଥିବା ଜଣା ପଡ଼ିଛି । ଅନ୍ୟ ପକ୍ଷରେ ଏହି ଘଟଣା ଘଟୁଥିବା ସମୟରେ ପାଖ ବିଲ୍ଡ଼ିଂରେ ଥିବା ଜଣେ ଯୁବକ ଏହାର ଭିଡ଼ିଓ ବନାଇଥିଲେ । ଯାହାକୁ ପରେ ସୋସିଆଲ ମିଡ଼ିଆରେ ପୋଷ୍ଟ କରାଯାଇଥିବା ବେଳେ ଏବେ ତାହା ଭାଇରାଲ ହୋଇଛି । ଏହି ଘଟଣାଟି ପାନାମା ସହରରେ ଥିବା ଇଆଇ ଟାଓ୍ଵାରରେ ଘଟିଥିବା ସୂଚନା ମିଳିଛି ।
ସୂଚନା ମୁତାବକ, ମୃତ ମହିଳା ପର୍ତ୍ତୁଗାଲ ନିବାସୀ ହୋଇଥିବା ବେଳେ ସେ ଛୁଟି କଟାଇବା ପାଇଁ ସେଠାକୁ ଯାଇଥିଲେ । ମୃତ ମହିଳାଙ୍କ ଦୁଇଟି ସନ୍ତାନ ଥିବା ବେଳେ ଉପରେ ପବନର ଗତି ଅଧିକ ଥିବାରୁ ଏପରି ଘଟଣା ଘଟିଥିବା ଆଶଙ୍କା କରୁଛି ସ୍ଥାନୀୟ ପୁଲିସ ।