କେରଳରେ ଏମିତି ବର୍ଷା କେବେ ହୋଇନଥିଲା, ୭ ଦିନରେ ମୃତ୍ୟୁସଂଖ୍ୟା ୬୭ ଛୁଇଁଲା
ତିରୁଅନନ୍ତପୁରମ : କେରଳରେ ଏବର୍ଷ ବର୍ଷା ସର୍ବକାଳୀନ ରେକର୍ଡ ଭାଙ୍ଗିଛି । ଏପରି ବର୍ଷା ଦକ୍ଷିଣଭାରତର ଏହି ରାଜ୍ୟରେ ପୂର୍ବରୁ କେବେ ହୋଇନଥିଲା । ବିଶେଷକରି ଗତ କିଛିଦିନ ଧରି ପ୍ରବଳ ବର୍ଷା ଲାଗି ରହିଛି । ଦିନକୁ ଦିନ ବର୍ଷା ପରିମାଣ ବଢୁଛି ସିନା କମୁନାହିଁ । କେବଳ ଆଜି ଗୋଟିଏ ଦିନରେ ୨୫ ଜଣ ବ୍ୟକ୍ତି ପ୍ରାଣ ହରାଇଛନ୍ତି । ଏହା ସହିତ ଗତ ୯ ତାରିଖରୁ ଆଜି ସୁଦ୍ଧା ମୋଟ ମୃତ୍ୟୁସଂଖ୍ୟା ୬୭ରେ ପହଞ୍ଚିଛି । ରିଲିଫ ଓ ଉଦ୍ଧାର କାର୍ଯ୍ୟରେ ସେନା ମୃତୟନ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ଭାରତୀୟ ପାଣିପାଗ ବିଭାଗର ରିପୋର୍ଟ ଅନୁସାରେ ଦେଶର ସର୍ବାଧିକ ବର୍ଷା ହୋଇଥିବା ୧୦ ଟି ସ୍ଥାନ ମଧ୍ୟରୁ କେରଳର ସର୍ବାଧିକ ୬ଟି ରହିଥିବାବେଳେ ଓଡ଼ିଶାର ୨ଟି ( ୬ଷ୍ଠ ସ୍ଥାନରେ କୋରାପୁଟ) ଓ ତାମିଲନାଡୁ (ଭାଲପରାଇ ୫ମ) ଓ ମହାରାଷ୍ଟ୍ରର (ମହାବଳେଶ୍ୱର ୧୦ମ ) ଗୋଟିଏ ଲେଖାଏଁ ସ୍ଥାନ ରହିଛି । ଗତ ୨୪ ଘଣ୍ଟା ମଧ୍ୟରେ କେରଳ, ଓଡ଼ିଶା, ଉତ୍ତର-ତାମିଲନାଡୁ, ମଧ୍ୟପ୍ରଦେଶ ଓ କୋଙ୍କଣ ( ମହାରାଷ୍ଟ୍ର,ଗୋଆ ଓ କର୍ଣ୍ଣାଟକର ଉପକୂଳ ଅଞ୍ଚଳ) ରେ ପ୍ରବଳ ବର୍ଷା ହୋଇଥିବାବେଳେ ଆଗାମା ୨୪ ଘଣ୍ଟାରେ ମଧ୍ୟ ଏସବୁ ରାଜ୍ୟରେ ପ୍ରବଳ ବର୍ଷାର ପୂର୍ବାନୁମାନ କରାଯାଇଛି ।